Musulmonlar
Исломий Либос (Тариқатчиликка Назар 25- бўлим)

Исломий Либос (Тариқатчиликка Назар 25- бўлим)

КИЙИМ-КЕЧАК

Мурид: Сен менга оят ва ҳадисдан гапиряпсан-у, лекин, кийиб юрган кийиминг ғайридинларни кийимидан фарқи йўқ. Эгнингда узун яктак ҳам бошингда салланг ҳам йўқ. Бунга нима деб жавоб берасан?

Байиндир: Муҳаммад алайҳиссаломни замонида мусулмонлар билан мусулмон бўлмаганларни кийинишида ҳеч қандай фарқ бўлмаган. Ислом динига янги кирган ҳеч бир мусулмонга кийиниш моделини алмаштириш буюрилмаган. Ҳеч бир мазҳабда эркак ва аёллар учун белгилаб қўйилган кийим модели йўқ. Исломда белгиланган нарса аврат жойларни беркитишдир, холос.

Баъзи кийимлар махсус формаларга айланиб қолган. Бунга ҳарбийлар ёки тиббиёт соҳасидагиларни махсус кийимлари мисол бўлиши мумкин. Агар бир кийим модели кофирлик рамзига айланиб қолган бўлса-гина, ана шунда ўша кийим моделини кийиб бўлмайди. Аскарлар ёки бошқа соҳа вакилларини махсус формалари вақт-вақти билан ўзгариб турганидек, ғайридинларга хос бўлган формалар ҳам ўзгариб туриши мумкин. Баъзи бир фиқҳ китобларда ана шу рамзий кийимларга алоқадор бир қанча ҳукмлар бор.

Рамзий кийим албатта қандайдир бир эҳтиёж туфайли пайдо бўлади. ислом давлатларида яшайдиган ғайридинлар сархуш қилувчи моддалар истеъмол қилиши, тўнғиз гўшти йейиши ва тўнғиз боқиши мумкин. Сархуш қилувчи модда истеъмол қилаётган киши агар мусулмон эканини билиб қолсангиз, унга қилаётган иши нотўғри эканини билдириб ўтасиз. Агар парво қилмайдиган бўлса, уни дарҳол айбдор сифатида тутиб маҳкамага топширасиз. Лекин, ўша киши христиан бўлса унга Исломни тушунтиришингиз мумкин-у, аммо уни маҳкамага арз қилиб топшира олмайсиз! Ўзидан бошқа ҳеч кимга зиён йетказмаётган гуноҳ ишда ғайридинларни жиноятчи деб жазолай олмайсиз.

Ислом давлатларида бирон бир тушунарсиз ҳолат юз бермасин, деб ғайридинлар учун махсус бош кийимлар ёки махсус шакл ва моделларда алоҳида ажралиб турадиган кийимлар жорий қилишган. Агар ана шундай ҳолатда агар бир мусулмон киши ўшандай ғайридинлар учун махсус тикилган рамзий кийимларни кийиб юрса, демак у мусулмонларни алдаган бўлади. Кунимизда маъмурий органлар кийимини, жамоатчилик тартибини сақловчи ўрганлар ёки давлат хавфсизлик хизмати органларининг махсус кийимларини оддий фуқаролардан бири кийим ўзини ўша ўрган ходимларидек танитиб юриши қандай тақиқланган бўлса, ўзи мусулмон бўла туриб, ғайридинлар учун махсус тикилган рамзий кийимларни бир мусулмон киши ийиб юриши ҳам шаръан тақиқланади. Фиқҳ китобларда ғайридинлар учун махсус рамзий кийимлар ҳақидаги ҳукмлар фақатгина шу каби ҳолатларга алоқадордир.