Савол: Ассалому алайкум! Жума намозидан олдин ва кейин неча ракат суннат (ихтиёрий) намоз ўқиш керак. Шуни рожиҳини айтиб берсангиз, илтимос.
Жавоб: Ва алейкум ассалом. Жума намозидан олдин ва кейин ўқиладиган нофила (ихтиёрий) намозлар ҳақида турли ривоятлар келган. Улар орасида жума намози ҳақидаги оятга мос ва уйғун бўлганларини келтирамиз.
- Пайғамбар алайҳиссалом алайҳиссалом жума намозидан кейин то айрилмагунча намоз ўқимас эди. (Масжиддан) айрилганидан кейин (уйида) икки ракат намоз ўқир эди. (Имом Бухорий, Жумадан олдин ва кейин намоз ўқиш боби, 937- ҳадис.). Пайг’амбар алайҳиссалом
- Пайғамбар алайҳиссалом жума намозидан кейин то (масжиддан) айрилмагунча намоз ўқимас эди. Уйида икки ракат намоз ўқир эди. (Имом Муслим, Жумадан кейин намоз ўқиш боби, 82- ҳадис.)
- Пайғамбар алайҳиссалом жумадан кейин уйига бориб икки ракат намоз ўқир эди. (Абу Довуд, Жумадан кейинги намоз, 1132, 1252)
- Пайғамбар алайҳиссалом жумадан кейин икки ракат намоз ўқир эди. (Имом Термизий, Жумадан олдин ва кейинги намоз, 521.)
- Пайғамбар алайҳиссалом жумадан кейин уйида икки ракат намоз ўқир эди. (Имом Насоий, Имомат, Пешиндан кейинги намоз, 1428, фарқли иборалар билан 873, 1427,)
- Пайғамбар алайҳиссалом жумадан кейин икки ракат намоз ўқир эди. (Ибн Можа, Намозни қоим қилиш ва ундаги суннат, 1131)
- Пайғамбар алайҳиссалом жума намозидан кейин то айрилмагунча намоз ўқимас эди. (Масжиддан) айрилганидан кейин (уйида) икки ракат намоз ўқир эди. (Имом Молик, Намоз боби, 459.)
- Пайғамбар алайҳиссалом жумадан кейин уйида икки ракат намоз ўқир эди. (Дорамий, Жумадан кейинги намоз, 1614, фарқли иборалар билан 1485, 1615.)
- Пайғамбар алайҳиссалом алайҳиссалом жумадан кейин уйида икки ракат намоз ўқир эди. (Имом Аҳмад, 4506, 4591, 4921, 5448, 5480.)
Аллоҳ таоло жума намози ҳақида шундай марҳамат қилади:
“Эй иймон келтирганлар! Жума куни намозга нидо қилинганда, Аллоҳнинг зикрига шошилинг ва савдони қўйинг. Агар билсангиз, бу ўзингиз учун яхшидир. Бас, намоз тугагандан сўнг ер юзи бўйлаб тарқалинг ва Аллоҳнинг фазлидан талаб қилинг ва Аллоҳни кўп эсланг, шоядки ютуққа эришсангиз.” (Жума 62/9-10)
Бу ҳадисларнинг барчаси оятни очиқлаб келяпти. Масжидда қолиб яна 2 ёки 4 ракат намоз ўқиш ҳақидаги бошқа ривоятлар эса оятга ҳам, юқоридаги ҳадисларга ҳам мос келмайди.
Жума намозидан олдин нафл намоз ўқиш ёки ўқимаслик ҳақида қуйидаги мақолада келтирилган:
https://www.musulmonlar.com/maszhidga-kirganda-ikki-rakaat-namoz/
