Таҳоратда бошга масх тортишда аёлларни рўмоли устидан масх тортиши масаласи.
Савол:
Моида сурасининг 6-оятида бошқа масх тортишга буюрилган. Лекин, баъзил аёл-қизлар рўмолини ечмасдан, рўмолини устидан масх тортаётганига гувоҳ бўлдим. Бу қанчалик тўғри?
Жавоб:
Таҳоратда бошга масх тортишда эркаклар дўппи ёки салласини, аёллар бошидаги рўмолларини ечиши шарт эмас. Бу ҳудди оёқ кийим устидан оёққа масх тортишга ўхшайди.
Жаноби Расулуллоҳ таҳорат олганида салласига масх тортгани ҳақида соғлом ривоятлар бор. Демак, бошга масх тортишда эркаклар бош кийимини, аёллар рўмолларини ечишлари шарт эмас. Бухорий ва Аҳмад ҳамда Ибн Можалар Амр ибн Умайядан келтирган ривоятда шундай дейилган: «Мен Расулуллоҳни (таҳоратда) салласига ва махсисига масх тортаётганини кўрдим.»
Бу рухсат уммати Муҳаммадга берилган енгилликдир. Аллоҳ уммати Муҳаммадни мана шу енгилликлар орқалик ҳам пок бўлишини қабул қилди ва шуни ирода қилди. Аллоҳ бандаларига динда қийинчилик ва машаққат бўлиши хоҳламайди: (Бақара 2:185, Моида 5:6, Ҳаж 22:78)
Изоҳ қўшиш