Суннат
Аллоҳнинг китобини ижросидир бу суннат,
Аллоҳнинг Элчисининг таблиғидир бу суннат,
Ваҳий фариштасининг тасдиқидир бу суннат,
Ислом дини йўлининг тартибидир бу суннат,
Икки дунё бахтининг таъминидир бу суннат.
Йигирма уч йил ичра кетма-кет нозил бўлган,
Ҳар оят тушган замон Пайғамбар ўқиб берган,
Мўминларга бош бўлиб, ҳаётга татбиқ қилган,
Намуна, ўрнак ила барчаси бўлган аён,
Асло мужмал бўлмаган шу таблиғдир бу Қуръон.
Юз мингларча мусулмон атрофида тўпланган,
Расулга ҳамроҳ бўлиб, Ҳажни бирга бажарган,
Муборак, азиз Қуръон шу ерда тамом бўлган,
Пайғамбар видолашиб: “Етказдимми?”, деб айтган,
“Етказдинг”, деб айтишган табаррукдир бу Қуръон.
Намоз, рўза ҳам поклик, ҳаж ва умра, қурбонлик,
Закот, ёрдам, саховат, раҳмдиллик, ҳамкорлик,
Вафодорлик, ростгўйлик, ҳаққонийлик, одиллик,
Меҳрибонлик, камтарлик, самимийлик, яхшилик,
Ҳаққиатга гувоҳлик, шаҳодатдир бу суннат.
Эътиқотда тўғрилик, ибодатда тақволик,
Илмда юқорилик, касб-ҳунарда усталик,
Теҳникада илғорлик, кашфиётда моҳирлик,
Ҳар бир ишда ўрнаклик, фидокорлик, актифлик,
Пок ниятлик, холислик, тасаддуқдир бу суннат.
Ҳаромдан ҳазар қилиш, хатони хатар билиш,
Ёмондан йироқ бўлиб, яхшига яқин бўлиш,
Золимга қарши чиқиб, мазлумга мадад бериш,
Етимга қучоқ очиб, ожизга қанот ёйиш,
Муҳтожга ёрдам бериш, тасаллидир бу суннат.
Табиатни асрамоқ, пок асраб авайламоқ,
Заминни обод этиб, маданият яратмоқ,
Осойишни сақлабон, адолатни ёқламоқ,
Ҳақ узра бирдам бўлиб, илм-ирфон таратмоқ,
Жаҳолатни қувламоқ, тафаккурдир бу сунат.
Етиштирмоқ ўзини, келиштирмоқ ўзини,
Емоқ уммат ғамини, билмоқ ҳасрат-дардини,
Очиб ғайрат енгини, тузмоқ бирлик сафини,
Қилиб фидо бор-йўғин, бермоқ бутун зеҳнини,
Мустақиллик туйғусин англамоқдир бу суннат.
Яхши ишга бош бўлиб, саф олдида тик туриш,
Яхшиликда жон куйиб, фидокорликлар қилиш,
Иродани жиловлаб, ҳақни ҳар ерга ёйиш,
Пок ният-ла маънавий, ҳам моддий кўчат экиш,
Фақат Роббга сиғиниш, таваккалдир бу суннат.
Наслдан насл олиб, жонидан устун тутган,
Ҳар доим ижро қилган, тушинарсиз қолмаган,
Боргансари, кун сайин, тобеълари кўпайган,
Ҳар доим аҳли иймон амал қилиб сақлаган,
Тарқатишга тиришган, тирилишдир бу суннат.
Инкорчилар ваҳшийча ҳужум қилса ҳам шунча,
Токи қиёматгача, Қуръондаги аслича,
Сўз берилган бўйича, сақланар ўз аслича,
Мўмин жони борича амал қилар ўлгунча,
Тирикликнинг инсонча тақдиридир бу суннат.
Анас Олимўғли.
18.05.2020. Истанбул.
