- 110. Наср сураси[1]
بِسْمِ اللَّهِ الرَّحْمَٰنِ الرَّحِيمِ
Яхшилиги чексиз, эзгулик ва неъмат улашувчи – Аллоҳ номи билан.
110:1
إِذَا جَاءَ نَصْرُ اللَّهِ وَالْفَتْحُ
Аллоҳнинг ёрдами[2] ва фатҳ келиб,
110:2
وَرَأَيْتَ النَّاسَ يَدْخُلُونَ فِي دِينِ اللَّهِ أَفْوَاجًا
Инсонларни Аллоҳнинг динига тўп-тўп бўлиб кираётганини кўрганингда,
110:3
فَسَبِّحْ بِحَمْدِ رَبِّكَ وَاسْتَغْفِرْهُ ۚ إِنَّهُ كَانَ تَوَّابًا
Яратган Эгангни олқишлаб улуғла ва ундан мағфират/кечирим[3] сўра! У тавбаларни қабул қилувчидир.
[1] Наср сураси, Мадинада тушган, 3 оят. Тушиш тартиби 114, ёзилиш тартиби 110. Бу сура тегишли оятлар билан биргаликда ўқилганда, ҳеч ким гуноҳлардан ҳимоя қилиниб қолинмагани, тавбани қачон ва қай тарзда амалга оширилиши кераклиги ҳақида Муҳаммад алайҳиссалом мисол қилиб келтирилгани ўртага чиқади. Гуноҳ ишни ким бўлишидан қатъий назар, агар у гуноҳдан қайтиб ўзини тузатмаса ва ёмон натижаларни қўлидан келганича тузатиб яхшиламаса, у инсон тавба қилган ҳисобланмайди. Уни қилган иши – қуруқ гап билан тавба қилдим, дегани бўлади, холос. Ўхшаш ва алоқадор оятлар: Ғофир 40:55, Муҳаммад 47:19, фатҳ 48:2.
[2] Бу ёрдам Фатҳ сурасининг 1-3 ва 27 оятларида Аллоҳ тарафидан берилган ғалаба ила кафолатланган ёрдамдир. Ана ўша ёрдам натижаси ўлароқ, кўнгил эшикларини Исломга очилишига сабаб бўлган Макканинг ғалабаси келди. Шу боис Маккани ғалабасига “Фатҳ” деб ном берилди.
[3] Мағфират – гуноҳлар кечирилиши ва жаҳаннамдан қутулиб қолишдир.
[…] Наср […]