Савол: Таровеҳ намози қачон ўқилади?
Жавоб: Бир ухлаб турилганидан кейин ўқилади.
-Ахир бир ухлаб турилган намозга таҳажжуд дейиладику.
-Зотан, Пайғамбаримиз алайҳиссаломдан кейин таровиҳ дея ном берилган бу намоз, аслида Расулуллоҳ тириклигида ҳар куни ўқиб юрган таҳажжуд намоздир. Расулуллоҳ а.с. таҳажжуд намозидан бошқа яна таровеҳ деган намоз ўқимаган. (Исро сураси 79, Бухорий, Таровиҳ боби,)
-Ундай бўлса нега инсонлар бу намозни бошқа ойларда ўқимасдан, фақат Рамазонда ўқийди?
-Бу намозни аслини билмагани учун шундай қиладилар. Агар билсалар эди, уни ҳар кеча ўқиган бўларди.
-Расулуллоҳ алайҳиссалом ўша ҳар куни ўқиб юрган таҳажжуд (ҳозирда биз ўқиётган таровеҳ) намозини неча ракат ўқиган?
-Умумий 13 ракат. Ундан 3 ракат витр, 2 ракат бамдод намозининг суннати. Улардан ташқари эса 8 ракат таҳажжуд намози ўқиган (Бухорий, Таҳажжуд боби 1140). Яъни, хоҳ Рамазонда бўлсин, хоҳ бошқа ойларда бўлсин, ҳар кечаси туриб Пайғамбар алайҳиссалом 8 (саккиз) ракат намоз ўқиган.
-Расулуллоҳ бу таҳажжуд намозини масжидларда жамоат бўлиб ўқимасликка буюрган ва ўзи ҳам уйда ёлғиз ўқиган бўлса, нега биз масжидларда жамоат бўлиб ўқиймиз?
-Расулуллоҳнинг ҳаётини ва таровеҳ дея номланган бу намознинг аслини билмаганимиз учун.
-Демак, масжидга келиб нафл ибодатни жамоат бўлиб ўқигандан кўра, айнан Расулуллоҳ каби кечаси уйқудан уйғониб, ўз уйида ёлғиз ўқигани яхши эканда?
-Ҳа, албатта. Буни масжидларда жамоат бўлиб ўқишга кейинчалик рухсат берган Умар розияоллоҳу анҳу ҳам таъкидлаб айтган. (Бухорий, Ибн Шиҳоб ривояти, Таровиҳ боби.)
-Расулуллоҳ ҳар кеча туриб намоз ўқишга нима сабаб?
-Исро сурасининг 29- оятида Аллоҳ таоло буюргани учун.
-Масжидга келиб ўзи ёлғиз тунда таҳажжуд ўқиган биронта саҳоба бўлганми”
-Ҳа, албатта. Ойиша онамиздан келган ривоятга кўра, кечаси Расулуллоҳ таҳажжуд қилар экан, бирдан саҳоба Аббодни масжидда намоз ўқиётганини эшитади ва “Аллоҳим! Аббодни раҳм қил”,- деб дуо қилади (Бухорий ва Муслим ривояти).
-Бу нарсадан мен шуни англаб етдимки, агар мен хуфтон намозидан кейин ухлаб, саҳарликдан сал аввал уйғониб ҳам витр ва ҳамда саккиз ракат таровиҳни ўқиб олса, шунда ҳам Пайғамбаримизга эргашган, ҳамда таҳажжуд намозини адо қилган бўлар эканманда?
-Худди шундай. Мана шунда айнан Расулуллоҳга эргашган бўласиз. Лекин, бомдод намозини вақти кирмай туриб ўқиб олишингиз керак.
Суннат (нафл) намозлар учун қаранг:
