Савол: Рамазон ойида ғусл қилса бўладими?
Жавоб: Рамазон ойида рўзадор кишиларга саҳарлик вақти тугаганидан кейин то қуёш боткунигача фақатгина емоқ, ичмоқ ва эр-хотинлик алоқаси мумкин эмас (Бақара 2/187). Рўза тутмаган кишилар ҳам Рамазон ойи кундузларида эр-хотинлик алоқасидан узоқ бўлиши керак. Чунки, рўза тутмаган бўлса ҳам у ойда кундузи алоқа қилиб бўлмайди.
Рамазон ойида таҳорат олиш ва таҳорат олганида эҳтиёт бўлган ҳолда оғиз ва бурунларни чайқашдан, ҳожатхонада мустаҳаб қилишдан ман қилинмагани каби, эҳтиёт бўлган ҳолда ғусл қилишдан ҳам ман қилинмайди. “Ундай бўлса бундай бўлиши мумкин” каби иборалар ва сабаблар ҳеч нарсани тақиқланиши ва ҳаром бўлишига далил бўлмайди. Акс ҳолда, таҳоратда оғиз-бурун ҳам чайқалмас ва ҳожатхонада ҳам мустаҳаб қилинмас эди.
Баъзи кишиларнинг “орқадан сув кириб кетса рўза очилиб кетади” – деган гапларига қулоқ солишни кераги йўқ. Чунки, ҳеч ким у нарсага сув ичиб қўйди демайди ва ҳеч ким у ердан сув ичмайди.
Аллоҳнинг рўза ҳақидаги қарорларига қўшимча илова қилишдан сақланиш ва осон ҳукмларни қийинлаштирмаслик керак.
