Musulmonlar

Соқолсиз киши имомлик қилса бўладими?

Савол: Соқолсиз киши имомлик қилса бўладими? Пайғамбар алайҳиссаломнинг суннатини барпо қилмагани учун бу масалада тараддуд пайдо бўляпти.

Жавоб: Намоз – Ислом Динидаги энг бошда келадиган ва асосий вазифа ҳисобланади. Қулни Аллоҳга боғловчи энг буюк ибодатдир. Уни мукаммал адо қилиш охиратдаги абадий бахт-саодатга сабаб бўладиган савоб ишдир, тарк этилиши эса, Жаҳаннам азобига дучор бўлишга сабаб бўладиган гуноҳ ишдир. Шу боис, беш вақт фарз намозларни шартларига тўлиқ риоя қилинган ҳолда адо қилиш керак. Баъзи бир маълум узрлар бундан мустасно.

Жамоат билан ўқиладиган намозлар учун билимли ва тақволи; Аллоҳ ва Расулини буйруқ ва тақиқларига диққат-эътибор билан қарайдиган имомларни ахтариш керак. Лекин, макруҳ бўлса ҳам, катта гуноҳлар қилиб юрган имомларни орқасида ҳам намоз ўқиса жоиз бўлади (ҳисобга ўтади). Чунки, Пайғамбар алайҳиссалом шундай деганлар:

“Ла илаҳа иллаллоҳ” деганларнинг жанозаси ўқилади. “Ла илаҳа иллаллоҳ” деганларнинг орқасида намоз ўқилади.”

«(Душман хавфи ва касаллик каби маълум узрлардан бошқа ҳолатларда) Беш вақт фарз намозларни тақводор ёки фосиқ (катта гуноҳга қўл уриб турадиган) инсонни орқасида (бўлса ҳам) жамоат билан ўқиш керак.» (ал-Жами ас-Соғир 2/45, Абу Довуд, Барр ва Фожир Имомат Боби.)

Бу ҳадислар катта гуноҳларга қўл урган инсонлар орқасида намоз ўқишга рухсат берганидан кейин, соқолсиз имом орқасида намоз ўқиш шубҳасиз жоиздир. Баъзи бир кишилар бу каби масалаларни жамоат ичида ёйиб тарқатишлари – ихтилоф ва айрилиққа сабаб бўладиган ниҳоят даражада хавф туғдирувчи иш ҳисобланади.” (Али Ризо Д. Исломий Кимлигимизни Ҳимоя Қилиш, Истанбул, 2008, 268-269-с.)