Musulmonlar

Одат қони тугаган аёл ғусл қилишидан аввал эри билан қўшилиши мумкинми?

Савол: Одати тугаган аёл ғусл қилишидан олдин эри билан бирга бўлиши мумкинми? Бирга бўлганидан кейин ғусл қилиб олса бўладими? Ёки аввал ғусл қилиб покланиб олиб, кейин бирга бўлиш керакми?

Жавоб: Бақара сурасининг 222- оятида Аллоҳ таоло шундай буюрмоқда:

وَيَسْأَلُونَكَ عَنِ الْمَحِيضِ ۖ قُلْ هُوَ أَذًى فَاعْتَزِلُوا النِّسَاءَ فِي الْمَحِيضِ ۖ وَلَا تَقْرَبُوهُنَّ حَتَّىٰ يَطْهُرْنَ ۖ فَإِذَا تَطَهَّرْنَ فَأْتُوهُنَّ مِنْ حَيْثُ أَمَرَكُمُ اللَّـهُ ۚ إِنَّ اللَّـهَ يُحِبُّ التَّوَّابِينَ وَيُحِبُّ الْمُتَطَهِّرِينَ

“Эй Муҳаммад! Сендан аёллардаги қон келиши ҳақида сўрашмоқда. Айтгинки: “У бир азиятдир, қон келган кунларда уларни тинч қўйинглар. То поклангунча уларга яқинлашманглар. Покиза бўлиб олганларида уларга – Аллоҳ сизларга буюрган ердан – келинглар. Аллоҳ тавбакорларни яхши кўради, покиза бўлиб юрувчиларни ҳам яхши кўради.” (Бақара 2/222)

Юқоридаги оятга кўра одат пайтида тақиқланган жинсий алоқани яна қайтадан ҳалол бўлиши учун қуйидаги иккита шарт кўрсатилган:

  1. Аёлни одат қони тугаши.
  2. Аёл покиза бўлиб олиши, яъни ғусл қилиб олиши/яхшилаб чўмилиб олиши.

Шофеий, Моликий, Ҳанбалий мазҳабларидан тортиб яна бошқа Ислом ҳуқуқшуносларини аксарияти одати тугаган аёл билан ғусл қилишидан олдин жинсий алоқа қилиш ҳалол эмас деган қарашда иттифоқ қилганлар. Ёлғиз Ҳанафийлар одат қонини белгиланган маълум муддати тугаб орадан бир намоз вақти ўтгач ғусл қилмаса ҳам жинсий алоқа қилиш рухсат деб айтишган. (Юнус Ваҳби Явуз, «Ҳайз» Диёнат Ислом Энциклопедияси, 17- ж, 53- с.)

Ҳанафийларга кўра ҳайз қонини энг кўп муддати деб белгиланган ўн кун ўтиб бўлганидан кейин ғусл қилмасдан аввал ҳам жинсий алоқа қилиш мумкин. Одат вақти ўн кундан оз бўлган аёллар қони тугаб дарҳол жинсий алоқага кира олиши ҳалол бўлмайди. Бундай ҳолатларда жинсий алоқа ҳалол бўлиши учун аёл ё ғусл қилган бўлиши ёки орадан бир намоз вақти ўтган бўлиши, ёхуд бирон-бир узр сабабли таяммум қилган бўлиб, ўша таяммуми билан нафл бўлса ҳам намоз ўқиган бўлиши керак. (Меҳмет Шенер, «Ҳайз», Иброҳим Кофий Дўнмез, Исломда Ишонч, Ибодат ва Кунлик Яшаш Энциклопедияси)

Ҳанафийларни бу фикрда бўлишларининг далили қуйидагича:

“Аллоҳ таолони “То поклангунча уларга яқинлашманглар” хитоби аёлларга яқинлашишни тақиқлаган бу тақиқ уларни одат қони тугаганидан кейин олиб ташланишини ифода қилмоқда. Аёлларни одат қони тўхташи бу тақиқни олиб ташланишига сабаб бўлишига қаралганда, одатлари тугаганида энди ҳеч қандай тақиқ бўлиши мумкин эмас.”

Тафсири Розийда ал-Қозини (эҳтимол Қози Абдулжаббор) Абу Ҳанифани бу қарашига шу шаклда жавоб бергани қуйидагича ёзиб қолдирилган:

“Агар Аллоҳ таоло оятда фақатгина “То поклангунча” ифодасини деб буюрганида эди, сиз айтган гап тўғри бўлиб чиқар эди. Аммо, Аллоҳ таоло бу буйруққа “Яхшилаб покиза бўлиб олганларида…” қайдини ҳам илова қилиб қўшиб қўйиши билан бу иккала ифодани ҳар иккаласи ҳосил бўлсагина тақиқ олиб ташланишини билдириб қўймоқда. Бу, бир киши «Уйга кирмай туриб фалон киши билан гаплашма. Кирганидан кейин агар кўнгли очиқ бўлса кейин у билан гаплаш» деганидек бўлади. энди у киши гаплашиш тақиқланган киши билан гаплаша олиши учун ҳар иккала шарт ҳам бир вақтда ҳосил бўлиши керак бўлади. Шундай экан, одати тугаган аёл эри билан жинсий алоқага кирмай туриб албатта ғусл қилиб яхшилаб покиза бўлиб олиши шарт бўлади. (Фахруддин ар-Розий, ат-Тафсирул Кабир, 6- ж, 419- с, Бақара сураси 222- оят тафсири)

Далилларга қаралганда аксарият кишининг иттифоқи исботли экани, яъни одат қони тўхтаган аёл ғусл қилиб ювиниб олишидан аввал эри билан жинсий алоқага кира олмаслиги маълум бўлмоқда.

Телеграм каналимиз: