Musulmonlar

Ҳомиладорликда эр-хотинлик алоқаси

Савол: Ҳомиладорлик вақтида эр-хотинлик алоқасини амалга ошириш мумкинми? Буни тақиқлаган бирон нарса борми?

Жавоб: Ҳомиладорликда бу ишни тақиқлаган ҳеч қандай ҳукм йўқ. Эр-хотинлик алоқасини мутлақо тақиқланган ҳолатлар аёлларни одатли вақтлари, Рамазон ойида рўзали бўлган вақтлар, Рамазон ойида масжидларда эътикоф ўтирган вақтлар ва Ҳаж ва Умра учун эҳромли бўлган вақтлардир.

Ҳомиладорлик вақтларида мутахассис-врачларни айтган гапларига аҳамият берилиши керак. Ҳозиргача тиббиётни ҳеч бир йўналишида жинсий алоқани ҳомиладор аёлга ёки қорнидаги болага зиёни етиши ҳақида маълумот бермаган. Демак,  бу ҳолатда ҳеч қандай муаммо йўқ. Агар ҳомиладорликни сўнги кунларида – мутахассис-врачларни кўрсатмасига кўра – она ёки бола учун зиён етиши мумкин бўлиб қолган ҳолатлар юз бериб қолса, жинсий алоқадан сақланиб туриш керак бўлади. Чунки, динимизда “зарар бериш ҳам зарарланиш ҳам йўқ.” (Ибн Можа, Аҳком 17; Муватто, Ақдия 31; Аҳмад б. Ҳанбал 5/327)

Телеграм каналимиз: