Савол:
Ассалому алайкум, устоз! Мен график дизайн билан шуғулланаман ва ўрганяпман. Лекин, у билан шуғулланишда Аллоҳни топа олмаяпман. Ниятимни тўғрилай олмаяпман. Чиройли дизайнлар қилганда ўзимдан фахрланяпман. Менга маслаҳат беринг. Ҳақимга дуо қилинг.
Жавоб:
Ва алейкум ассалом. Касб ва меҳнат қилишда мақсад ҳалол пул топиш бўлади. Бунда Аллоҳни розилиги назарда тутилмайди. Зеро, инсоннинг ҳалол касбидан Аллоҳ норози бўлмайди. Касб орқали топган пулизни Аллоҳ йўлида сарфлаётганда топасиз Аллоҳни. Синов ўшанда бошланади. Аллоҳ Ўзидан бегона қилмасин.
Фахрланишга келсак, қалбизга фахрланиш келганида ўша илму имконият, иқтидор ва самарани насиб қилган Аллоҳга ҳамд айтинг, сизга ўша неъматларни берган У эканини эсланг, шунда қалб Аллоҳга боғланиб, ёмон туйғулардан узоқ бўласиз (иншаАллоҳ).
