Савол:
Ассалому алейкум. Мени саволим шуки, киёматда заррача иймони бор одам дузахда абадий колиб кетмайди дейилган. Унда хамма ахли киблалар назарда тутилганми. Умуман заррача иймон деганда нима тушунилади. Саволим ноурин булса узр сурайман.
Жавоб:
Ва алайкум ассалом. Зарра иймонли мавзусида бир-бирига ихтилофли кўплаб ҳадислар бор. Булар орасида баъзилари Қуръондаги имон ва қиёмат ҳақидаги ҳукмларга тўғри келадигани ҳам бор, тўғри келмайдигани ҳам бор. Сиз айтган ҳадис ўзига ўхшаган ҳадисларнинг баъзиларига зид келади. Масалан, имом Муслимда имон бобидаги 148-рақам остидаги ҳадис қуйидагича:
Абдуллоҳ ибн Масъуддан ривоят қилинади:
“Расулуллоҳ а.с. айтдиларки: Қалбида хантал уруғичалик имони бор киши жаҳаннамга кирмайди…”
Мана шу ҳадис шу мавзудаги оятлар билан маънан бир хил бўлиб, оятлар бу ривоятни қўллаб-қувватлайди. Чунки, жаҳаннамга аслида мўмин-мусулмон бўлмаган кофир кимсалар, яъни Аллоҳнинг душманлари киради. Аллоҳга ишонган, яхши амалларни қилган кишилар эса Аллоҳнинг дўстлари бўлади. Жаҳаннам фақатгина кофирлар учундир: Оли Имрон сураси 131-оят.
Аҳли қиблаларга келсак, уларнинг қай бири Қуръонга ва сўнги пайғамбар Муҳаммад a.s.ga ишонган бўлса, улар ҳам жаҳаннамга кирмайди. Аллоҳнинг марҳамати чексиз, мағфирати кенгдир.
Бизни кузатиб бораётганингиз учун Аллоҳ сиздан рози бўлсин.
Телеграм каналимиз:
Изоҳ қўшиш