Савол: Маҳди қачон келади?
Жавоб: Афсона ва эртакларда айтилган Қорбобо келади деса қанчалик ишонмасангиз, Маҳдий келади деса ҳам шунчалик ишонманг.
Аввало Маҳдийни биздан бошқа диндагилар ҳам кутадими йўқми, шунга аниқлик киритиб оламиз. Кутса нима учун кутишини ҳам ўртага қўямиз. Агар кутмаса нима учун биз Уммати Муҳаммад уни кутишимиз кераклиги ҳақида баҳс қиламиз.
Узоқ вақтлардан бери Мусулмонларни бошига келаётган балою офатларнинг сабабларидан бири ҳам мана шу соҳта маҳдийлардир. 20-асрда ҳам Ислом ва Мусулмонларни маҳди келди беб алдаб, бир қанча араб давлатларида жуда ҳам кўп Мусулмонларни қонини тўкиб келаётганини ггувоҳи бўлябмиз.
Яҳудийлар ҳам бир масиҳ, яъни қутқарувчи кутишади.
Келажакда бир пайғамбар, қутқарувчи, инсонларни зулматлардан нурга олиб чиқишда асосий сабабчи бўладиган бир яхши инсон, адолатли раҳбар ва сўнги ҳақ пайғамбар келиши ўтмишдаги умматларда бор эди. Чунки уларга нозил бўлган илоҳий китобларда шунга буюрилган ва сўз олинган. Аввалги пайғамбарлардан Аллоҳ сўз олган ва уларга бир элчи агар ўзларидаги китобни тасдиқлайдиган бир илоҳий китоб олиб келсалар, унга имон келтириши ва унга ёрдам бериб, уни қўллаб-қувватлашлиги ҳақида пайғамбарлардан сўз олган. Шу сабабли ҳам аввалги умматлар доимо янги бир пайғамбар келишини кутишган. Айниқса бу нарса Таврот ва Инжилда ҳам айтилган. Шу сабабли аввалги умматлар сўнги пайғамбар келишини интизорлик билан кутишган. Улар Муҳаммад алайҳиссаломни кутишган. Бироқ, Аҳли Китобни аксарияти ҳасад қилгани боис рост пайғамбар бўлмиш Муҳаммад алайҳиссаломни тан олмадилар, унга қарши чиқдилар, уни ҳақ эканини ўз диндошлари (Христианлар ва Яҳудийлар)дан яширдилар. Ўтмишдаги барча умматлар кутган сўнги Набий келганини яшириб, Муҳаммад алайҳиссаломни сохта пайғамбар деб танитиб, инсонларни яна ўша кутиш ҳукмига боғлаб қўйдилар. Аслида улар кутган шахс келиб бўлган эди.
“Аллоҳ пайғамбарлардан бирма-бир сўз олганида: “Мен сизларга Китоб ва Ҳикмат берганимдан кейин, қўлингиздаги китобни тасдиқлайдиган бир
элчи/китоб келса, унга қатъий ишонишингиз ва унга албатта ёрдам
беришингиз керак. Мени бу қароримни қабул қилиб бу оғир юкимни
ўзингизга юклаб олдингизми?” деганида, улар: “Қабул қилдик”
дейишди. Аллоҳ: “Ундай бўлса гувоҳ бўлинглар, Мен ҳам сизлар билан бирга гувоҳ бўлувчиларданман”, деди.” (Оли Имрон 3/81)
Юқоридаги оятга кўра, аввалги умматлар ва пайғамбарларнинг барчаси келгуси пайғамбарга ишониши керак эди. Лекин биз уммати Муҳаммаддан бу нарса, яъни оғир юк олиб ташланган, бизларга бу вазифа юклатилмаган. Буни келгуси оятдан билиб оламиз:
“Аллоҳ ҳеч кимга кучи етмайдиган ишни таклиф қилмайди. Ҳар кимни ўз қилган яхшилиги ўзини фойдасига бўлганидек, қилган ёмон иши ҳам ўзини зиёнига бўлади. У элчи ва мўминлар шундай дуо қилишади: “Роббимиз! Агар унутсак ёки адашиб хато қилсак бизни жазоламагин. Роббимиз! Аввалги умматларга юклаганингдек бизга ҳам оғир юк юкламагин. Роббимиз! Бизга тоқатимиз етмайдиган нарсаларни ташиттирма. Бизни афв қил, бизни мағфират қил, бизга марҳамат қил. Сен бизни Валийимиз-бизга энг яқинсан. Ҳақни тан олмайдиган кофирларга қарши бизга ёрдам бер.”
Муҳаммад алайҳиссалом сўнги пайғамбар бўлгани учун, у кишига ва умматига бундай вазифа юклатилмаган. Уммати Муҳаммад учун пайғамбар ўлароқ Муҳаммад етади. Тўғри йўлда юришга ўрнак ўлароқ ҳам Муҳаммад етади. Илоҳий китоб ўлароқ Қуръон етади.
مَّا كَانَ مُحَمَّدٌ أَبَا أَحَدٍ مِّن رِّجَالِكُمْ وَلَـٰكِن رَّسُولَ اللَّـهِ وَخَاتَمَ النَّبِيِّينَ ۗ وَكَانَ اللَّـهُ بِكُلِّ شَيْءٍ عَلِيمًا
“Муҳаммад сиз эркакларнинг бирортасини ҳам отаси бўлиб қолгани йўқ. Лекин, у Аллоҳни элчиси ва сўнги пайғамбар бўлди. Аллоҳ ҳамма нарсани жуда яхши билади.” (Аҳзоб 33/40)
Яҳудийларни илмиҳолида имон асосларида “келажак бир масиҳга ишонаман. Келиши кечикиб қолди, мен барибир кутавераман” жумласи ҳам келтирилган. Масиҳ деб келажак пайғамбарга ишорат қилишган.
Исломдан аввалги барча илоҳий динларда келажак пайғамбарга ишониш ва уни кутиш вазифаси юклатилган. Яҳудийлар сўнги пайғамбар Мадина атрофидан келишинни билишган. Чунки бу Тавротда ёзиб қўйилган. Лекин ўзлари кутган пайғамбар ўзларини насли бўлмиш Яъқуб алайҳиссаломни зурриётидан келмагани боис, Муҳаммад алайҳиссаломни тан олмадилар, унга қарш чиқишди. Тавротда башорат қилинган сўнги пайғамбар келганини йяҳудий билимдонлари қолган уммийларидан яширишди ва яқинда ўз наслимиздан янги бир қутқарувчи, бизни ер юзига ҳукмрон қиладиган – пайғамбар келади, деб алдаб юришади. Улар тавротдаги ҳақиқат бўлган Муҳаммад алайҳиссаломни яширишади. Яҳудийлар Исо алайҳиссаломга ҳам ишонмаган. Ҳолбуки уни улар кутишган, келажакдаги пайғамбарга ишонишлари ва унга ёрдам беришлари ҳақида Аллоҳ Мусодан сўз олган, Мусо эса яҳудийларга буни билдириб ўтган. Лекин барибир Ишонганлари жуда ҳам озчилини ташқил қилган. Муҳаммад алайҳиссалом келганда ҳам улар яна ўша ишини қилишди. Ҳолбуки, Исо алайҳиссалом Яъқуб пайғамбарни зурриётидан эди. Лекин барибир уни ҳам ҳақиқий пайғамбар эканини яширишган.
Христианлар ҳам келажакда бир қутқарувчи келади деб кутишади
Хрисртианлар ҳам янги бир қутқарувчи келади деб кутишади. Чунки, Инжилга қарасангиз, унда “Мен кетмасам у келмайди” деб бошланган бир бўлим бор. Улар ҳам бир маҳдий кутишмоқда. Иш шундай экан, Мусулмонларни дарди нима?! Нима учун биз янги пайғамбар, қутқарувчи масиҳ, ёки маҳдий кутишимиз керак?!
Аслида ҳақиқий мусулмон бўлган ҳар бир шахс маҳдийдир. Маҳдий – йўлга келган ёки “ҳодий” йўлга келтирувчи деган маъноларни билдиради. Агар биринчи маънодаги маҳдий назарда тутилган бўлса, ҳар бир мусулмон маҳдий бўълиб олиши мумкин. Сабаби – ҳар бир ҳақиқий мусулмон йўлга келган бўлади, яъни маҳдий бўлади. Чунки энг тўғри йўл соф ва ҳақиқий мусулмонликдир. Агар маҳдий калимасини иккинчи маъносидаги яъни “ҳодий- йўлга келтирувчи” маҳдийни кутаётган бўлсак, бу нарса хомҳаёл экани ҳам аниқ. Чунки Аллоҳдан бошқа ҳеч ким ҳеч кимни йўлга келтира олмайди. Аллоҳдан бошқа ҳодий йўқ. Йўлга келтирувчи ёлғиз Аллоҳдир. Ҳатто пайғамбарлар ҳам энг яқин ва севганларини йўлга келтира олмайди, улар ҳодий эмасдир. Маҳдий калимасига берилган икки хил маънони ўртага қўйишимизни ўзи кутилган маҳдий афсона ва йўқ нарса экани ўртага чиқди.
Мусулмонларга Христианлардан Исо келиши олиб киргизиб,, Яҳудиярдан Масиҳ (Маҳдий) келишини олиб киргизиб, ҳозирда Мусулмонларни эътиқодига ҳар иккаласини ҳам киргиизб қўйишган. Мусулмонлар ҳозирда Исони ҳам кутишади, маҳдийни ҳам кутишади. Ахир Мусулмонларни Исо билан Маҳдийда нима иши бор?! Қўлида Қуръони, ўтмишида мукаммал ўрнак бўлиб қолган пайғамбари, ишонган дини бўла туриб, яна нималаргдир боғланиб қолган қаноатсиз бир умматмиз!
Хулоса қилиб айтадиган бўлсак, Хоҳ буддизм бўлсин, хоҳ Зардўштлик бўлсин, хоҳ Пагонизм бўлсин, буларнинг барчасида келажак бир пайғамбарга ишониш қаттиқ таъкидлаб айтилган, улар доимо шу умитда яшашади. аочонки улар сўнги пайғамбар бўлмиш Муҳаммад алайҳиссаломга ишонсалар, улардаги бу кутиш ишончи якун топади. Бутун инсоният бир динда бирлашади.
Мусулмонлар ана Исо келади, мана Маҳдий келади, деб ёлғон келажак кутгандан кўра, ҳозирги кунини тузатишлари керак. Эртага Маҳдий келади деб эмас, эртага қиёмат бўлиб қолиши мумкин, деб яшаши керак. Ана шунда Мусулмонларни бугуни ислоҳ бўлади.
Изоҳ қўшиш