Савол: Намоздаги руку ва саждада айтиладиган тасбеҳларни уч мартадан кўп айтсам бўладими?
Жавоб: Руку ва саждадаги тасбеҳлар ривоятларга кўра аслида уч мартадан айтишдир (Абдуллоҳ ибн Масъуддан Абу Довуд ривоят қилган). Агар имом бўлмасангиз, уйда ёлғиз ўқиётган бўлсангиз, қироатлар, зикрлар, дуолар ва тасбеҳларни кўпроқ ўқишингизда ҳеч қандай муаммо йўқ. Чунки, Расулуллоҳ алайҳиссалом жамоатга намоз ўқиб бераётганда енгилроқ қилиб, ёлғизликда эса узунроқ қилиб намоз ўқишга буюрган (Абу Ҳурайрадан Бухорий ва Муслим ривоят қилган).
Агар айтаётган тасбеҳларингиз, дуо ва зикрларингизни ўзингиз тушуниб ўқисангиз яна-да яхши ва мукаммал бўлади.
