Савол:
Ассалому алейкум. Саволим шундан иборатки, хуфтон намозидаги охирги 3 ракат витр вожиб намозида 3 ракатида қунут дуоси ўрнига вақтинчалик қайси дуо айтиш ёки ўрнига бирор бир нарса айтиш жоиз булади.
Жавоб:
Ва алайкум ассалом. Дуоларнинг энг афзали инсон ўзи тушуниб онгли равишда қилган дуосидир. Шу боис у дуо ўрнига ўзингиз Аллоҳдан нимани сўрамоқчи бўлсангиз ўша нарсани сўраб илтижо қилинг.
Хоҳласангиз қунут дуосини ўзбекчасини ўқинг:
Аллоҳим! Биз Сендан ёрдам сўраймиз, Сендан кечирим сўраймиз. Аллоҳим! Сенга имон келтирамиз, ишларимизда Сенга суянамиз ва Сенга таваккал қиламиз. Ва Сени олқишлаб мақтаймиз. Бутун яхшиликлар Сендандир. Бизларга берганинг шунча неъматлар туфайли Сенга шукрона айтамиз ва нонкўрлик қилмаймиз. Сенга қарши нонкўрлик қилган гуноҳкорлардан айриламиз, улар билан алоқани узамиз. Аллоҳим! Биз ёлғиз Сенгагина қуллик қиламиз, ибодатларни Сен учунгина қиламиз. Сенгагина сажда қиламиз. Сенгагина интиламиз. Ибодатни хушуʼ-камтарлик билан адо этамиз. Раҳматинг кўп бўлишини сўраймиз, азобингдан қўрқамиз. Ҳеч шубҳа йўқки, Сенинг азобинг кофирларгадир.
