Савол:
Ассалому алайкум ва раҳматуллохи ва барокатуҳ. Мен Россияда русларни ошхонасидаишлайман. Ҳозир Рамазон ойи, мен шуойда ошхонада ишлашим жоизми?
Жавоб:
Диний томондан Россияда Руслар қўл-остида ишлаб маош олишингизда ҳеч қандай муаммо йўқ. Қилаётган ишингиз ҳалол бўлгани учун, олган маошингизда шубҳа йўқ. Рамазон ойида ошхонада ишлаш масаласига келсак, тақво жиҳатидан яхши эмас. Чунки, инсонларни Рамазон ойида Аллоҳга осий бўлишига қисман бўлсада ёрдамчи бўлиб қоласиз. Аллоҳ таоло Моида сурасининг 2-оятида (https://www.musulmonlar.com/5-moida-surasi/), бир-бирингизга яхшиликда кўмакдош бўлиб, гуноҳда ёрдамчи бўлиб қолманг, деган мазмунда оят нозил қилган.
Агар, айнан мусофирлик ва беморлиги сабабли рўза тута олмаган инсонлар учун хизмат қиладиган ошхона бўлса, унда бирон бир муаммо йўқ.
Тўғрисини Аллоҳ билади.
