Musulmonlar
«Қуръон билар кифояланса кофир бўлади»-ми?

«Қуръон билар кифояланса кофир бўлади»-ми?

Савол:

Ассалому алайкум. Мен Қуръон тафсир, яъни Тафсири Ҳилол ёки Тафсири Ирфон ўқир эдим. Яқинда бир инсон шундай деди; Кимки Қуръон билар кифояланса кофир бўлади, деб ҳадис айтди. Ахир Пайғамбаримиз ҳулқи Қуръон бўлганку.

Илтимос менга шу ҳақда тушунтиргансиз. Шундай ҳадис борми?

Жавоб:

Ва алайкум ассалом.

Қуръон ва Суннат бунинг зидини баён қилади. Буни келгусидаги оят ва ҳадислардан билиб оламиз:

“Қуръон билан кифояланмаган киши биздан эмас!” …(Imom Аҳмад, Саҳиҳ Бухорий, Абу Довуд, ал-Баззор, Ибн Ҳиббон, Ибн Адий, Доруқутний, Байҳақий, Мунзирий, Нававий, Ибн Касир, Ҳайсамий, Ибн Ҳажар, Суютий, Зарқоний ва бошқаларнинг асарларида келтирилган.)

Имом Бухорий ушбу ҳадисни Анкабут сурасининг 51-оятининг тафсирида зикр қилиб келтирган. Оят қуйидагича:

…أَوَلَمْ يَكْفِهِمْ أَنَّا أَنزَلْنَا عَلَيْكَ الْكِتَابَ يُتْلَىٰ عَلَيْهِمْ ۚ إِنَّ فِي ذَٰلِكَ لَرَحْمَةً وَذِكْرَىٰ لِقَوْمٍ يُؤْمِنُونَ

“Биз сенга туширган, уларга тиловат қилиниб турилган ушбу китоб уларга етмас эканми?! (Ахир) Ушбу китобда мўминлар учун раҳмат ва эслатма борлиги аниқку!”

Расулуллоҳнинг хулқи Қуръон эканида асло шубҳа йўқ. Бу ҳақида ихтилофга тушиб қолишингизга асос йўқ. Инсонларни Қуръондан узоқлашиб кетганига эътибор бермасликни, Аллоҳнинг китобини маҳкам ушлаб, уни тушуниб амал қилишда давом этишни тавсия қили қоламиз. Қуръони Карим ўқишда давом этинг. Аллоҳнинг китобидан узоқлаштирадиган инсонлардан эҳтиёт бўлинг.

Сизга бундай деган инсонларга тавба талқин қилиб қўйинг. Бу гапларидан тавба қилсинлар. Чунки, улар ўша гапи билан Расулуллоҳнинг номидан ёлғон тўқиган ва Аллоҳнинг китобига қарши чиққан бўлади.