Савол:
Аёлларни таълим муассасаларида ишлашлари шаръан жоизми? Баъзи бир чет давлатларда юрган аҳли-илм деб танилган кишилар аёлларни уйдан ташқарига чиқмаслик керак, деган фатволари бор деб эшитдим.
Жавоб:
Қуръонда бунга далолат қиладиган ҳеч қандай тақиқ йўқ. Пайғамбаримиз Муҳаммад алайҳиссаломдан ривоят қилинган бир ҳадисда, бегона бир аёл киши билан бегона бир эркак кишини ёлғиз қолишлари тақиқланган (Бухорий, Никоҳ 111, Муслим, Ҳаж 424). Яъни, ёпиқ бир маконда номаҳрам аёл киши билан номаҳрам эркак кишининг ёлғиз қолишларигина ўша ҳадисга асосан тақиқланган. Бунинг бир мисоли Юсуф алайҳиссалом ва Зулайҳо қиссасида бир ўрнак сифатида келтирилган. Демак, ҳар қандай таълим муассасаларида, ёки бошқа жойларда иффатли кийинган ҳолда ишлашлари мумкин. Расулуллоҳ соллаллоҳу алайҳи ва саллам даврида ҳам масжидларга аёлларнинг келиб намоз ўқишлари, бозорларга боришлари ҳам бунга бир мисол бўлади.
Изоҳ қўшиш