Musulmonlar
Жаҳл устида аёлимга «талоқсан» дедим.

Жаҳл устида аёлимга «талоқсан» дедим.

Ассалому алайкум. Оилавий келишмовчиликлар жараёнида никоҳимдаги аёлим «талоғимни беринг» деганида жаҳл устида телефонда унга «уч талоқсан» деб юборганман. Бу ҳолат бир талоқ ҳисобланадими ёки уч талоқ тушган ҳисобланадими? Вақтингизни олиб, безовта қилганим учун узр сўрайман. Олдиндан раҳмат.
Аллоҳ рози бўлсин.

Ва алайкум ассалом.

Оиладаги никоҳ ва талоқ масалалари жаҳл устида айтилган бир оғиз сўз билан ҳал бўладиган масалалар эмас. Уларнинг ҳар бирини ўзига яраша шартлари бор. Эр тарафидан аёлига бир талоқ тушиш учун бир қанча шартлар бор. Телефонда айтиб қўйиш биланоқ бир талоқ тушавермайди. Бундай ҳолатда уч талоқ тушишини ҳаёлингизга ҳам келтирманг.

Эътибор ва ҳурмат учун сизга ҳам миннатдорчилик билдирамиз.

Талоқ масаласи ҳақида Қуръон ва Суннат асосида қўшимча батафсил
маълумот учун сизга қуйидаги ҳаволани тавсия қилиб қоламиз:

Қуръон ва Суннатга кўра талоқ