Musulmonlar

Бош яланг намоз ўқиш гуноҳми?

Савол: Намозда бош кийим кийиш, салла ўраш мажбурми? Бундан ташқари, пайпоқсиз намоз ўқиса бўладими? Бу шаклда намоз ўқилиши намозни савобидан камайиб қолишига сабаб бўладими? Давомли ҳолатда мана шу шаклда намоз ўқиш катта гуноҳлар қаторига кирадими?

Жавоб: Пайғамбаримиз соллаллоҳу алайҳи ва саллам намоз ўқиш учун алоҳида кийим киймас эди. Яшаб турган юртининг иқлими иссиқ бўлганлиги сабабли, одатда бошини иссиқдан сақлаб юриш учун доимо бошини ўраб юрган ва намоз ўқиганда ҳам одатий-ташқи  кийимлари билан бир қаторда, бошида қандай бош кийими бўлса ўша бош кийими билан намоз ўқиганлар. Кунимизда кўплаб юз бераётгани каби, намоз учун ёнида ўзи билан алоҳида бош кийим (салла, дўппи, латта дўппи) кўтариб юрмаган.

Эркаклар намозларини бош кийимсиз ва пайпоқсиз адо этишларида ҳеч қандай намозни бузиши ёки гуноҳ бўлишини келтириб чиқарадиган бирон муаммо йўқ, гуноҳ ҳам эмас. Чунки, эркак кишиларнинг боши ва оёқларини тўпиқ остлари намозда тўсиб беркитилиши шарт бўлган аъзолари қаторига кирмайди.

Фиқҳус-Сунна номли китобда Саййид Собиқ бу ҳақда қуйидагиларни билдириб ўтади:

Ибн Асокирни Ибн Аббосдан қилган ривоятига кўра, Расулуллоҳ алайҳиссалом кўп марта бошидаги бош кийимини ечиб олдига сутра қилиб қўйиб намоз ўқир эди.

“Ҳанафийларга кўра эркак кишиларни бошлари очиқ ҳолда намоз ўқишларида ҳеч қандай муаммо ва гуноҳ йўқ. Агар ҳушу учун яна ҳам муносиброқ деб билинса, боши очиқ ҳолда намоз ўқиш бош кийим билан ўқигандан кўра мустаҳаброқ бўлади. Намозда бош кийим билан намоз ўқишнинг фазилатлари ҳақида ҳеч қандай маълумот ва далил йўқ.” Саййид Собиқ, Фиқҳус-Сунна, Дорул-Фатҳ, 12 н. Қоҳира, 1996, 1 жл, 98-с.

Манба: Яҳё Шенўл,  Анас Олимўғли, Инсоният Тарихи Бўйича Ўша Намоз китоби, 2016, 149-15- с.

Телеграм каналимиз: