Musulmonlar
Йиллар сўнгра ёлғонлари фош бўлган сохта маҳдий

Йиллар сўнгра ёлғонлари фош бўлган сохта маҳдий

Саид Нурсини муршид ва мужаддидларнинг энг каттаси, маҳди ва кутилган масиҳ экани ҳақидаги сохта иддаоси

Нурчилар Саид Нурсига шундай тариф берадилар:
“Бадиуззамон Саид Нурси, ҳижрий 14- ва милодий 20- аср минорасининг тепасида туриб, замондошлари бўлган Мусулмонларга ва инсонларга хитоб қилмоқда ва бу асрнинг орқасидан келадиган навбат – навбати билан саф тутгувчи келажак авлодлар билан энг катта мужаддид ва энг катта муршидлик ҳолатида суҳбат қурмоқда.”[1]

   Маҳди экани ҳақидаги иддаоси

Саид Нурсининг махсус шогирдлари, Саид Нурси ҳақида давомли шундай дейишади:
“Охир замонда Пайғамбар алайҳиссаломнинг авлодидан келиши кутилган энг буюк муршид сенсан деб биламиз. Аммо сен бизни фикримизни қатъий қабул қилмаяпсан, тортиняпсан. Бу бир зиддиятдир. Бу зиддиятни ҳал қилишингизни сўраймиз дедилар.

Саид Нурси уларга жавобан шундай дейди:

“Охир замонда, Росул алайҳиссаломнинг оиласидан дунёга маҳди бўлиб келиб, вакиллик қиладиган муқаддас жамоатнинг маънавий кишилигини учта вазифаси бор. Булар: Имонни қутқариб қолиш, Пайғамбарнинг халифаси деган унвон билан Исломнинг шиорларини жонлантирмоқ, замонлар ўтиши билан, Қуръон ҳукмлари ва шариат қонунлари қисман ўзгартирилишга учрагани учун, бу катта вазифани қабул қилиб тузатиши керак.
Нур шогирдлари бу учта вазифадан биринчисини Рисолаи Нурда тўлиқ кўрганликлари увҳун, иккинчио ва учунчи вазифалар бунга нисбатан иккинчи ва учинчи даражада экани туфайли Рисолаи Нурнинг маънавий кишилигини (яъни, мен Саид Нурсини) ҳақли равишда бир маҳди деб қарадилар… Ҳатто авлиёларнинг баъзиси, ғойбга алоқадор кароматларида Рисолаи Нурнинг (Нур Элчиси Саид Нурсини) тўлалигича охир замон умматини ҳидоят этгувчи тадқиқот ва текширувлар натижсида билиб олиши мумкин демоқда.

Икки масалада зиддият бўлганлиги учун ечимга эҳтиёж туйилади:
Биринчиси: Пайғамбар алайҳиссаломнинг халифаси бўлиш ва Ислом бирлиги, халққа ва сиёсатчиларга ва хусусан бу даврдаги мафкуравий тушунчаларга кўра биринчи вазифадан кўра минг кара кенг доирада деб билинмоқда. Гарчи ҳар даврда фарқли фарқли ҳидоятчи, маҳди келган бўлсада, аммо уларнинг ҳар бири юқоридаги уч вазифанинг фақатгина биринчисинигина бажара олганлиги туфайли охирги замоннинг буюк маҳдиси деган унвонга эга бўлмаган.
Иккинчиси: Охирги замоннинг буюк маҳдиси Пайғамбар алайҳиссаломнинг оиласидан бўлишидир. Аслида мен ҳазрати Али р.а. нинг маънавий фарзанди ҳукмидаман. Ундан ҳақиқат даерсини олдим. Муҳаммад алайҳиссаломнинг оиласио бир маънода ҳақиқий Нур шгирдларини ҳам ўз ичига олганлиги туфайли, мен ҳам у оила аъзосиман дейишим мумкин.[2]
“Қирқ кун ичида фақат бир кун битта нон еб, қолган кунларда оч бўлган машхур Усмин Холидий билан Испартанинг таниқли олимларидан Тўпал Шукрий, бир ҳақиқатни очиқча кўрган ва у ҳақда хабар берган. У ҳақиқат шудир:
“Бу уммат, охир замонда келиши кутилган киши учта вазифадан энг муҳими ва энг асосийси бўлган ҳақиқий имонни ёйиш ва аҳли имонни залолатдан қутқариб қолиш бўлгани учун, у вазифани тўлалигича Рисолаи Нурда кўрган эканлар. Шу сабабли ҳазрати Али, Абдулқодир Гейлоний ва Усмон Холидий каби зотлар, келиши кутилган зотнинг мақомини Рисолаи Нурнинг маънавий кишилигида (Саид Нурсида) ўз кўзлари билан кўргандек унга ишорат қилган эдилар… Бу ҳақиқатлар шуни билдирадики, келадиган у муборак зот, Рисолаи Нурни ўз дастури сифатида уйғунлаштириб ҳаётга таббиқ қилади.”[3]

Мана кўриниб турибдики, юқорида Саид Нурсига мансуб бўлган китобдан олинган барча иддаолар ёлғон экани ошкор бўлди. Саид ҳеч қандай маҳди ҳам бўлмагани, ҳеч қандай қутқарувчи ҳам бўлмагани ўртага чиқди. Аксинча, барча иддаолари ёлғон-елпи экани, ҳеч қандай маҳди ҳам авлиё ҳам эмаслиги аниқ бўлди. Ҳаёти давомида ҳеч қачон ҳеч кимни ҳеч кимдан қутқариб қолмаган инсон, қандай қилиб ер юзидаги мусулмонларни қутқарувчиси бўлиши мумкин?!

[1]     Тариҳча-и Ҳаёт, Барла Ҳаёти, с.2144.

[2]     Шуалар, 14-шуа, а.г.э, c. 2, с.1064.

[3]      Сиққаи Тасдиқи Ғойби, а.г.э, c. 2, с. 2061.

Телеграм каналимиз: