Musulmonlar

Хотиним ва болаларимни қилган хато ишларига қандай чора кўрай?

Савол: Оила қурганимга узоқ вақт бўлди. Лекин аёлим менга айтмай ўзбошимчалик қилиб мени пулимдан ишлатиб қўяди, менга айтмай ташқарига чиқиб келади. Мен бу қилмиши учун қандай чора кўрсам бўлади?

Жавоб: Аллоҳ таоло сиз берган савол учун жуда кенг ва тафсилотли қилиб жавоб бериб қўйган. Алоқадор оят қуйидагича:

“Эй Мўминлар! Жуфтларингиз ва фарзандларингиздан сизни ҳақингизга кўз тикиб туришлар бўлиб туради; уларга нисбатан диққат-эътиборли бўлинглар. Агар уларни қилган иши учун жазоламасангиз, (айбини юзига солавермасдан) уларга янги бир саҳифа очсангиз ва қилган хатларидан кечиб уларга яхшилик қилишда давом этсангиз, билингларки, шунда Аллоҳ ҳам сизларни гуноҳларингизни мағфират қилади ва эзгулик ва неъмат улашиб туради. 

Мол-мулкингиз ва фарзандларингиз фақатгина сизларни синаш учундир, холос. Қилган иши учун бериладиган буюк ҳақ ва эваз Аллоҳнинг ҳузуридадир. 

Кучингизни борича Аллоҳдан қўрқиб хатолардан тийилишга ҳаракат қилинглар. Унга қулоқ солинглар ва Унга кўнгилдан бўйсунинглар. Сарф-харажатни жойига келтириб қўйинглар (Оилангиз учун инфоқ-эҳсон қилинглар); ўзингизга яхши бўлади. Ичидаги қизғанчиқликдан сақланган инсонлар – муроду мақсадларига эришадиган кишилардир.” (Тағобун 64/14-16)

Демак, оилада аёл эрига, фарзанд отасига нисбатан ҳақсизлик қилиб қўйса, дарҳол уни дўппослаб уриш, жазолаш, шарманда қилиш, ҳар куни айбини юзига солишни ўрнига, қилган ишини кечириш, юзига қайта солмаслик ҳамда худди айб иш қилмагандек уларга яна-да яхши муомалада бўлиш бу Аллоҳнинг амридир. Зотан, Аллоҳ Мусулмон оилада жазо ва жабр эмас, меҳр-муҳаббат, дўстлик, самимият ва садоқат биринчи ўринда туриши кераклигини Рум сурасининг 21-оятида баён қилиб ўтган. 

Оилада турли муаммолар, тушунмовчиликлар ва зиддиятлар келиб чиқмаслиги учун, оятда келтирилган инфоқ-эҳсон мавзусига ҳам алоҳида эътибор бериш керак. Имкони бўла туриб, танқислик ва етарсизлик келтириб чиқарадиган даража қизғончиқлик қилмаслик ҳам керак. Чунки, оилани бутун моддий таъминоти Исломда эркак кишига юклатилади. 

Бу оятларни ҳаётингизга татбиқ қилиб яшанг. Шунда бахт нима эканини оз бўлса-да ҳис қилиб яшайсиз.