Musulmonlar
Мусулмонлар оила қуришдан олдин нималарга эътибор беришлари керак

Мусулмонлар оила қуришдан олдин нималарга эътибор беришлари керак

Савол: Турмуш ўртоқ танлашда нимага эътибор беришимиз керак? Бу масалада Қуръоннинг асосий мезонлари қандай?

Жавоб: Турмуш ўртоғини танлаш бўйича оятлар қуйидагилар:

1) Турмуш қуришда аввало имон-эътиқод жуда муҳимдир. Аллоҳ таоло шундай марҳамат қилади:

“Токи имонга келмагунларича мушрика аёлларга уйланмангиз! Шубҳасизки, озод мушрика аёлдан – гарчи у сизга ёқса-да, имонли чўри яхшироқ. Токи имонга келмагунларича мушрик эркакларга қиз берманглар! Шубҳасизки, озод мушрикдан гарчи у сизга ёқса-да,- имонли қул яхшироқ. Улар (мушриклар) дўзахга чақирадилар. Аллоҳ ўз изни-иродаси билан жаннатга даъват қилади ва одамлар эслатма олишлари учун ўз оятларини баён қилади.» (Бақара 2/221)

2) Жуфтларнинг ҳар бири номусли, яширинча дўстлашиб юрмаган, никоҳни шунчаки кўнгилхушлик деб билмайдиган кишилар бўлиши керак. Аллоҳ таоло шундай марҳамат қилади:

“…Номусли яшашингиз ва зинодан сақланиш шарти билан, булардан бошқа аёллар билан никоҳланишингиз ҳалол қилиндики, мол-у давлатингиз эвазига уларни талаб қилинг.” (Нисо 4/24)

3) Тарафлардан ҳеч бири аввал зино қилмаган бўлиши керак, агар қилган бўлса мутлақо тавба қилиб ўзини тузатган бўлиши шарт. Аллоҳ таоло бу ҳақда шундай марҳамат қилади:

“Зино қилган эркак зино қилган аёл билан, ёки мушрика бир аёл билан турмуш қуриши мумкин. Зино қилган аёл билан эса, фақатгина зино қилган эркак, ёки мушрик бўлган бир эркак билан турмуш қуриши мумкин, холос. Булар (Никоҳдан аввал зинога қўл урган эркак-аёл) Мўминларга ҳаром қилинди. (Нур 24/3)

«Аммо, бундан кейин тавба қилиб тузалганлар бундан мустаснодир. Шубҳасизки, Аллоҳ кечиримли ва марҳаматлидир.” (Нур 24/5)