Musulmonlar
Исломда аёл-қизларни пардоз қилиш ҳаромми?

Исломда аёл-қизларни пардоз қилиш ҳаромми?

Савол:

Исломда аёл-қизларни пардоз қилиш ҳаромми? Очиқроқ қилиб айтганда, аёл киши ташқарида ҳам ясанган ҳолда юриши гуноҳми?

Жавоб:

Муслима аёлни бегона эркаклар олдида ясаниб-тусанган ҳолда кўриниб юриши динимизда тақиқланган. Нур сурасининг 31-оятида аёллар зеб-зийнатларини кимларга кўрсата олиши ва кимларга кўрсатмаслиги ҳақида баён қилинган:

«Аёллар ўз эрлари, оталари, эрларининг оталари, ўғиллари, эрларининг (бошқа хотинидан) ўғиллари, ака-укалари, ака-укаларининг ўғиллари, опа-сингилларининг ўғиллари, аёллар, қўл остидаги асирлари, (оилага) боғлиқ қолиб, уйланиш эҳтиёжидан қолган эркаклар ва ҳали ҳануз аёлларнинг уятли жойларини фарқига бормаган гўдак болалардан бошқа ҳеч кимнинг ёнида гўзаллик ва кўркларини очмасинлар.» (Нур сураси, 31)

Муслима аёл-қизлар ушбу оятда истисно қилинган эркаклардан бошқа бегона эркакларга пардоз-андозлари ва зеб-зийнатларини кўрсатишлари тақиқланган.

Оятга амал қилмаган ҳолда гуноҳкор бўлади.

Демак, Исломда умумий маънода аёлларни пардоз-андози тақиқланмаган. Фақатгина бегоналар ёнида пардозлик кўриниши тақиқланган. Шундай экан, агар пардозлик ҳолда ташқарига чиққан бўлсалар, бегоналар ёнида юзларини ерга буришлари ёки рўмолларининг учлари билан юзларини беркитиб ўтишлари керак бўлади.