Musulmonlar
Илоҳий Китоблар 4 дона ва 100 та саҳифа дейишади,  шу тўғрими?

Илоҳий Китоблар 4 дона ва 100 та саҳифа дейишади, шу тўғрими?

Савол: Эшитишимизга кўра Аллоҳ таоло тарафидан 4 дона эмиш ва яна 100 дона саҳифа юборилган эмиш, шу тўғрими?

Жавоб: ЙЎқ, асло бундай эмас. Аллоҳ таоло Одамдан то Муҳаммад алайҳиссаломгача қанча набий/пайғамбар юборган бўлса, уларнинг барчасига китоб берган. Биз буларнинг барчасига бирдек ишонишимиз керак. Пайғамбарларнинг асосий иши зотан Аллоҳдан келган буйруқларни инсонларга етказишдир, агар Аллоҳдан биронта китоб олмаган бўлса, нимани етказади инсонларга? Аллоҳ таоло Қуръони Каримда бу ҳақда шундай марҳамат қилади:

قُولُوا آمَنَّا بِاللَّهِ وَمَا أُنْزِلَ إِلَيْنَا وَمَا أُنْزِلَ إِلَىٰ إِبْرَاهِيمَ وَإِسْمَاعِيلَ وَإِسْحَاقَ وَيَعْقُوبَ وَالْأَسْبَاطِ وَمَا أُوتِيَ مُوسَىٰ وَعِيسَىٰ وَمَا أُوتِيَ النَّبِيُّونَ مِنْ رَبِّهِمْ لَا نُفَرِّقُ بَيْنَ أَحَدٍ مِنْهُمْ  وَنَحْنُ لَهُ مُسْلِمُونَ. فَإِنْ آمَنُوا بِمِثْلِ مَا آمَنْتُمْ بِهِ فَقَدِ اهْتَدَوْا ۖ وَإِنْ تَوَلَّوْا فَإِنَّمَا هُمْ فِي شِقَاقٍ ۖ فَسَيَكْفِيكَهُمُ اللَّهُ ۚ وَهُوَ السَّمِيعُ الْعَلِيمُ

“Сизлар шундай денглар: “Биз Аллоҳга ишониб суяндик, бизга юборилган (китоб)га, Иброҳимга, Исмоилга, Ишоққа, Яʼқубга ва Яʼқубнинг набираларига юборилган (китобларга)га, Мусога ва Исога берилган (китобларга)га, Роббиси тарафидан набийларга берилган китобларга барчасига ишондик. Ҳеч қайсисини бошқасидан ажратмаймиз. Бизлар Аллоҳга таслим бўлган кишилармиз.” Агар улар ҳам сизлардек имон келтиришса, шундагина тўғри йўлга келган бўлишади. Агар юз ўгиришса, бутунлай бир бўлиниб парчаланиш ичига кирган бўлади. Уларга қарши сенга Аллой етади. Эшитиб турувчи, билиб турувчи Удир. ” (Бақара 2/136 )

وَوَهَبْنَا لَهُ إِسْحَاقَ وَيَعْقُوبَ ۚ كُلًّا هَدَيْنَا ۚ وَنُوحًا هَدَيْنَا مِن قَبْلُ ۖ وَمِن ذُرِّيَّتِهِ دَاوُودَ وَسُلَيْمَانَ وَأَيُّوبَ وَيُوسُفَ وَمُوسَىٰ وَهَارُونَ ۚ وَكَذَٰلِكَ نَجْزِي الْمُحْسِنِينَ وَزَكَرِيَّا وَيَحْيَىٰ وَعِيسَىٰ وَإِلْيَاسَ ۖ كُلٌّ مِّنَ الصَّالِحِينَ وَإِسْمَاعِيلَ وَالْيَسَعَ وَيُونُسَ وَلُوطًا ۚ وَكُلًّا فَضَّلْنَا عَلَى الْعَالَمِينَ وَمِنْ آبَائِهِمْ وَذُرِّيَّاتِهِمْ وَإِخْوَانِهِمْ ۖ وَاجْتَبَيْنَاهُمْ وَهَدَيْنَاهُمْ إِلَىٰ صِرَاطٍ مُّسْتَقِيمٍ ذَٰلِكَ هُدَى اللَّـهِ يَهْدِي بِهِ مَن يَشَاءُ مِنْ عِبَادِهِ ۚ وَلَوْ أَشْرَكُوا لَحَبِطَ عَنْهُم مَّا كَانُوا يَعْمَلُونَ أُولَـٰئِكَ الَّذِينَ آتَيْنَاهُمُ الْكِتَابَ وَالْحُكْمَ وَالنُّبُوَّةَ ۚ فَإِن يَكْفُرْ بِهَا هَـٰؤُلَاءِ فَقَدْ وَكَّلْنَا بِهَا قَوْمًا لَّيْسُوا بِهَا بِكَافِرِينَ

“Унга (Иброҳимга) Исҳоқ ва Яъқубни бердик. Буларнинг барчасини ҳидоят қилдик. Аввалда Нуҳни ҳам ҳидоят қилган эдик. Унинг зурриётидан Довуд, Сулаймон, Айюб, Юсуф, Мусо ва Ҳорунни ҳам. Чиройли иш қилувчиларни мана шундай мукофотлаймиз. Закариё, Яҳё, Исо ва Илёсни (ҳам ҳидоят қилдик). Барчалари солиҳ қуллардандир. Исмоил, ал-Ясаʼ, Юнус ва Лутни (ҳам ҳидоят қилдик) ва барчаларини замондошларидан устун қилдик. Уларнинг ота-боболаридан, зурриётларидан ва биродарларидан… Уларни ҳам танладик ва уларни ҳам тўғри йўлга йўлладик. Мана шу Аллоҳнинг йўли бўлиб, у билан бандаларидан тўғри йўлни танлаган кишиларни йўлга келтиради. Агар улар (Набийлар) Аллоҳга шерик қўшганларида, қилган ишлари беҳуда кетган бўлар эди. Ана ўша (юқорида номи зикр қилинган ва уларни ака-укалари ва зурриётлардан бўлмиш (набий) зотларга Китоб, Ҳикмат ва пайғамбарлик берганмиз. Бас, агар бу кишилар бу оятларни тан олмасалар, Биз уларни оятларни кўрмасликка олмайдиган бир қавмнинг ваколати остида қилиб қўямиз.” (Анъом 6/84)

Юқоридаги оятларда, Аллоҳ таоло барча ваҳий олган пайғамбарларга китоб ва ҳикмат бергани очиқ-ойдин баён қилинмоқда. Буларни барчасига имон келтиришимиз ва бир-биридан ажратмасдан ҳаммаси ҳам Аллоҳ тарафидан юборилганига, ўз вақтида улар асл ҳолатича бўлганига ва уларда Аллоҳнинг ҳаётий кўрсатмалари, қонунлари ва дунё ва охиратга алоқадор бўлган инсониятни фойдаси учун керакли бўлган маълумотлар бўлганига ишонишимиз керак. Кейинчалик эса, Аллоҳнинг китобларини маъноларини ўзгартириб таҳриф қилишга уринишган. Қуръони Каримни эса, матнларини қиёматгача ҳеч ким бузиб ўзгартира олмайди. Буни Аллоҳ ўз зиммасига олган.