Савол: Беморлар Рамазон ойида нима қилади? Рўзани ўрнига битта мискин кишига бир кунлик емоқ-ичмоқ фидясини бериб қўйса, рўзани ўрнига ўтадими?
Жавоб: Беморларга зотан Рамазон ойида рўза тутмасдан, соғайганидан кейин кейин тутиб беришга рухсат берилган. Рўза тутишга кучи етмайдиган оғир беморларга рўза фарз эмас аслида. Чунки, Аллоҳ тоқати етмайдиган ибодатга ҳеч кимни мажбур қилмайди (Бақара 2/286). Рамазондаги фидяни касаллиги сабабли рўза тутмаганлар эмас, аксинча, рўза тутишга тоқати етган ва рўза тута олган кишилар, шу кунларга етказгани ва рўзага тута олганига шукрона сифатида фидя берадилар. Рўза тута олмаганлар фидя бериб қўйса, рўзани ўрнига ўтади деган оят йўқ. Оятда бунинг акси келган: “(Рўзага) тоқати етадиганлар битта бечора-мискинни тўйдирадиган миқдорда фидя бериши ҳам керак. ” (Бақара 2/184)
Оятга кўра, рўза тута олган ҳар бир киши Рамазон фитрини бериши керак. Абдуллоҳ ибн Умар шундай дегани ривоят қилинади: «Аллоҳнинг элчиси (алайҳиссалом) фитр ёки Рамазон садақасини эркак ва аёлга, ҳурга ва қулга хурмодан бир со (3.920 гр) ёки арпадан бир со қилиб фарз қилди. Инсонлар буни ярим со буғдойга тенглаштиришди» (Бухорий, Закот 77).
Яна бир масала борки, Рамазон ойида бемор ёки сафарда бўлса ҳам, рўза тутса, албатта ўзига яхши бўлади. Соғайишини умид қилиб, тутмай турса гуноҳ бўлмайди.
