Musulmonlar

Имон келтиришимиз фарз бўлган Илоҳий Китоблар

Савол: Айтишларича Илоҳий Китоблар 4 дона экан ва яна 100 та саҳифа ҳам нозил қилинган эмиш. Бу ҳақда Қуръон нима дейди?

Жавоб: Аллоҳ таоло Қуръони Каримда баён қилишига кўра, Одамдан то Муҳаммад алайҳиссаломгача келган барча Набийларга Китоб ва Ҳикмат берилган. Бу ҳақдаги оятлар шундай:

وَوَهَبْنَا لَهُ إِسْحَاقَ وَيَعْقُوبَ ۚ كُلًّا هَدَيْنَا ۚ وَنُوحًا هَدَيْنَا مِن قَبْلُ ۖ وَمِن ذُرِّيَّتِهِ دَاوُودَ وَسُلَيْمَانَ وَأَيُّوبَ وَيُوسُفَ وَمُوسَىٰ وَهَارُونَ ۚ وَكَذَٰلِكَ نَجْزِي الْمُحْسِنِينَ   وَزَكَرِيَّا وَيَحْيَىٰ وَعِيسَىٰ وَإِلْيَاسَ ۖ كُلٌّ مِّنَ الصَّالِحِينَ   وَإِسْمَاعِيلَ وَالْيَسَعَ وَيُونُسَ وَلُوطًا ۚ وَكُلًّا فَضَّلْنَا عَلَى الْعَالَمِينَ   وَمِنْ آبَائِهِمْ وَذُرِّيَّاتِهِمْ وَإِخْوَانِهِمْ ۖ وَاجْتَبَيْنَاهُمْ وَهَدَيْنَاهُمْ إِلَىٰ صِرَاطٍ مُّسْتَقِيمٍ   ذَٰلِكَ هُدَى اللَّـهِ يَهْدِي بِهِ مَن يَشَاءُ مِنْ عِبَادِهِ ۚ وَلَوْ أَشْرَكُوا لَحَبِطَ عَنْهُم مَّا كَانُوا يَعْمَلُونَ   أُولَـٰئِكَ الَّذِينَ آتَيْنَاهُمُ الْكِتَابَ وَالْحُكْمَ وَالنُّبُوَّةَ ۚ فَإِن يَكْفُرْ بِهَا هَـٰؤُلَاءِ فَقَدْ وَكَّلْنَا بِهَا قَوْمًا لَّيْسُوا بِهَا بِكَافِرِينَ

“Унга (Иброҳимга фарзандлари) Ишоқ ва Яъқубни бердик. Буларнинг барчасини ҳидоят қилдик. Аввалда Нуҳни ҳам ҳидоят қилган эдик. Унинг зурриётидан Довуд, Сулаймон, Айюб, Юсуф, Мусо ва Ҳорунни ҳам. Чиройли иш қилгувчиларни мана шундай мукофотлаймиз.  Закариё, Яҳё, Исо ва Илёсни (ҳам ҳидоят қилдик). Барчалари солиҳ қуллардандир. Исмоил, ал-Ясаъ, Юнус ва Лутни (ҳам ҳидоят қилдик) ва барчаларини замондошларидан устун қилдик. Уларнинг ота-боболаридан, зурриётларидан ва биродарларидан… Уларни ҳам танладик ва уларни ҳам тўғри йўлга йўлладик. Мана шу Аллоҳнинг йўли бўлиб, у билан бандаларидан тўғри йўлни танлаган кишиларни йўлга келтиради. Агар улар (Набийлар) Аллоҳга (шерик) ширк қўшганларида қилган ишлари беҳуда кетган бўлар эди. Ана ўша (юқорида номи зикр қилинган ва уларни ака-укалари ва зурриётлардан бўлган набийлар) зотларга Китоб, Ҳикмат ва пайғамбарлик берганмиз. Бас, агар бу кишилар, бу бутун оятларни кўрмасликка олсалар, Биз уларни, оятларни кўрмасликка олмайдиган бир қавмнинг ваколати остида қилиб қўямиз.” (Анъом  6/84-89)

Аллоҳ таоло юқоридаги оятларда 20 га яқин шахсни исмини келтирди ва уларни барчасига Китоб, Ҳикмат ва Набийлик берганини очиқча баён қилиб бедри. Аммо бу ва бу каби оятларни кўриб туриб кўрмасликка олганларни оқибати нима бўлишини, оятнинг охирида, Алоҳ таоло алоҳида белгилаб айтиб ўтмоқда.

Бу оятга имон келтирмагунимизча яъни бутун Анбиёларга берилган Китобларга ишонмагунимизча имонимиз комил бўлмайди, аксинча Аллоҳнинг азобига гирифтор бўлишимиз мумкин.

Телеграм каналимиз: