Musulmonlar
Аёлларни сочини қисқартириши

Аёлларни сочини қисқартириши

Савол: Ҳомиладор аёлларни сочини қисқартириши тўғри эмас деб эшитдим. Агар ҳомиладорлик вақтида сочини қисқартирса, туғиладиган фарзандининг умри ҳам калта бўлади дейилади. Бу гап қанчалик тўғри?

Жавоб: Динимиз Исломда на эркаларни ва на аёлларни сочларини қисқартиришларини ман қилган бирорта ҳам далил йўқдир. Сиз эшитган нарса, халқ орасида қулоқдан қулоққа эшитилиб тарқаб юрган бир хурофотдир. Аёлларни сочларини қисқартиришлари эмас, балки, номаҳрамлар олдида очиб-кўрсатиб юришлари ман этилган ва бу нарса диний жиҳатдан ҳаром қилинган. Бу нарсага диққат-эътибор берилганидан кейин, бирон бир аёл киши хоҳ ҳомиладорлик вақтида хоҳ бошқа вақтда бўлсин, номаҳрам эркак кишиларга сочини кўрсатмаган ҳолда аёл кишиларга айтиб қисқартиришлари мумкин. Буни диний томондан ҳеч қандай муаммоси йўқ.

Шуни ҳам унутмаслигимиз керакки, Пайғамбаримиз алайҳиссаломдан “Ўзларини эркак кишиларга ўхшатиб юрадиган аёлларга лаънат бўлсин” деган маънодаги ҳадислари бор. Агар сочини қисқартиришдаги нияти бундай бўлмаса, аксинча ўзига яна-да оро бериш ва бошқа сабаблар бўлса, демак бу ишда бирон бир гуноҳ йўқ.