Musulmonlar
Жанозадан кейин қабристонда ёки майитни уйида қилинадиган ишлар ҳақида маълумот борми?

Жанозадан кейин қабристонда ёки майитни уйида қилинадиган ишлар ҳақида маълумот борми?

Савол: Ўлик кўмилганидан кейин, қабр устида ёки маййитнинг хонадонида қилиниши керак бўлган амаллар ҳақида маʼлумот борми?

Жавоб: Ҳар улканинг ўзига хос урф-одатлари бор. Кимлардир ўлик кўмилганидан кейин қабр устида имом ёки қорилари қолиб ўликка имон калимасини талқин қилишади, кимлардур қабр устида қолиб ўликка Ясин сураси ёки Мулк сурасини ўқиб қолишади. Аммо бундай ишлар на Муҳаммад алайҳиссаломдан ва на саҳобаларнинг бирортасидан нақл қилинмаган, ривоят этилмаган. Чункı имон калимаси ҳам Қурьон тиловати ҳам фақат ва фақат тириклар учун талқин қилинади ва тириклар учун ўқиб эшиттирилиб тушунтирилади. Ўликлар оятни ёки имон калимасини эшитгани билан, энди унга амал ҳам қилолмайди, имон ҳам келтиролмайди.

Ўлик кўмилганидан кейин нима қилиниши ҳақида Муҳаммад алайҳиссалом шундай тавсия қилганлар:

Абу Амр Усмон б. Аффон розиялоҳу анҳудан ривоят қилинишига кўра: Набий алайҳиссалом бир ўлик кўмилганидан кейин, қабр бошида тик туриб шундай деди: “Биродарингизни кечирилишини сўранг, Аллоҳдан унга муваффақиятлар талаб қилинг. Чункı у шу онда саволга тутилмоқда.” (Абу Довуд, Жаноиз 69)