Савол: Аёлим мендан ўз қариндошларимдан кечишимни ва улар билан алоқани узишимни талаб қиляпти. Ўртада фарзанд бор. Қариндошларимдан менга ёмонлик йўқ. Қандай иш тутсам тўғри бўлади? Қариндошларимдан кечайми?
Жавоб: Қариндош-уруғчиликни узиш динимизда қаттиқ гуноҳлардан бири ҳисобланади.
Инсон ҳаётида қилиши керак бўлган яхшиликларни энг бошида ўзини ота-онаси туради. Аммо, эр ёки хотин бир тарафда турсин, ҳатто ана ўша ўзини ота-оналари ҳам ўз болаларига мажбуран бирон бир гуноҳга қўл урдиришга ҳаққи йўқ.
Агар бир ишини ота-онаси бирон бир гуноҳга мажбур қилсалар, у киши ота-онасига ўша гуноҳга буюрган ишига итоат қилмаслиги, яъни айтган ишини бажармаслиги керак. Шундай бўлса-да, улар билан дунё ишларида энг чиройли бир шаклда ҳаёт кечириш ва уларга энг чиройли муомала билан муомала қилиши, ҳамда уларга қилаётган яхшиликларида давом этиши буюрилган. Бу ҳақда Аллоҳ таоло шундай буюради:
“Агар улар сени илмий асосинг бўлмаган бир нарсани Менга шерик қилишга мажбур қилсалар, уларга итоат қилмагин, лекин дунё ишларида улар билан чиройли яшаб ўтгин…” (Луқмон 31/15)
Бу ҳақда Пайғамбар алайҳиссалом шундай дегани ривоят қилинади: “Итоат фақатгина тўғри ишда бўлади; Аллоҳ наздида гуноҳ ҳисобланадиган ишда ҳеч кимга итоат қилиб бўлмайди.” (Муслим, Аморат; Абу Довуд, Жиҳод; Насоий, байъат; Ибн Можжа, Жиҳод)
Бу ҳақда яна бир ривоят қуйидагича: “Аллоҳни наздида гуноҳ бўладиган ишда ҳеч бир инсонга итоат қилиб бўлмайди; Аллоҳга осий бўла туриб, ҳеч бир инсонга итоат қилиб бўлмайди.” (Муснади Аҳмад, 1/129; 1/131)
Аёлингиз сизни қариндошларингиздан кечишингизни талаб қилишини сабаби – балки аёлингиз динимиздаги бу ҳақдаги амру фармонларни тўлиқ билмаганлигидандир. Шу сабабли, сиз унга қариндош-уруғлардан кечиш қанчалик ёмон иш эканини, буни оқибати дунёда ҳам охиратда ҳам яхши бўлмаслигини билдириб, билса эслатиб қўйишингизни тавсия қиламиз. Агар аёлингиз ўз талабида қатъий туриб олса ҳам, сиз асло у ишга қўл урманг. Жаҳл устида бир хато ишга қўл уриб қўйманг. Аксинча, оилангиз билан яна чиройли ҳаёт кечиришда давом этишга ҳаракат қилинг.
Изоҳ қўшиш