Musulmonlar
Tahoratsiz Qur’on o’qisa bo’ladimi?

Tahoratsiz Qur’on o’qisa bo’ladimi?

Savol: Qur’onni yoddan o‘qish yoki uni ushlash uchun tahoratli bo‘lish shartmi?

Javob: Qur’oni Karimni o‘qish, eshitish yoki uni ushlash uchun tahoratli bo‘lish shart emas. Tahorat haqida bayon qilingan Moida surasining 6-oyati va sahih hadislarga ko‘ra tahorat – Qur’on o‘qish yoki uni ushlash uchun emas, balki namoz o‘qish uchun shart qilingan. Ko‘plab fiqh kitoblarida yozilgan “Qur’onni tahoratsiz ushlab bo‘lmaydi” degan hukm zaif rivoyatlarga asoslangan.[1] Bunday bir muhim va jiddiy masalada zaif hadislarga asosan amal qilib, biron narsani halol yoki harom deb hukm qilish aslo mumkin emas.
Qur’on o‘qish uchun nima qilish kerakligi haqida Alloh taolo oyatda shunday bayon qilgan:

فَإِذَا قَرَأْتَ الْقُرْآنَ فَاسْتَعِذْ بِاللّهِ مِنَ الشَّيْطَانِ الرَّجِيمِ

“Qachon Qur’on o‘qisangiz, quvilgan/toshbo‘ron qilingan shaytondan Allohga sig‘ining.” (Nahl 16/98)

Ko‘rib turganingizdek Qur’on o‘qish uchun shaytonning yomonligidan Allohga sig‘inib-panoh so‘rashdan boshqa narsaga buyurilmagan.

Qur’onni tahoratsiz ushlab bo‘lmaydi deganlarning bir qismi “Unga top-toza qilinganlardan boshqasi teg(a ol)maydi.” (Voqea 56/79) oyatini dalil qilib keltirib, top-toza qilinganlardan maqsad tahorati borlar deb aytishadi. Holbuki, oyatni o’zidan avvalgi va keyingi oyatlarni ham birgalikda qo’shib o‘qisa, u oyatda tahoratsiz Qur’onga tegilmasin degan gap haqida emas, balki umuman boshqa narsa haqida bayon qilingani ma’lum bo‘ladi. Mazkur oyatlar shunday:

“Yo‘q! O‘sha yulduzlarning mavqelariga (o‘rnashtirilgan joylariga) qasamki, agar bilsangiz bu buyuk bir qasamdir. Shubhasiz, bu – qo‘riqlangan bir kitobdagi hurmatli Qur’ondir. Unga top-toza qilinganlardan boshqasi tegmaydi (tega olmaydi) Olamlarning Robbidan yuborilgandir.” (Voqea 56/75—80).

Oyatlarni bir-biridan ayirmasdan o‘rtalaridagi bog‘liqliklari bilan birga o‘qisak, 79-oyatda zikr qilingan Qur’on biz o‘qiyotgan mus’haf emas, balki mufassir olimlardan Faxriddin Roziyni isbotlab berganidek,[2] Lavhul Mahfuzda qayd etilgan oyatlar haqida gap borayotgani o‘rtaga chiqadi. Quyidagi oyatlar ham shunga dalolat qilmoqda:

 بَلْ هُوَ قُرْآنٌ مَّجِيدٌ. فِي لَوْحٍ مَّحْفُوظٍ

“To‘g‘risi, u buyuk Qur’ondir, Lavhul-mahfuzdadir.” (Buruj 85/21-22)

Oyatlar – asli Lavhul-Mahfuzda bo‘lgan oyatlarga faqatgina top-toza qilinganlar ya’ni farishtalargina[3]tega olishini[4] bildirgani uchun ham, sahobalardan Abdulloh ibn Abbos, tobeinlardan Said ibn Jubayr va Ikrima shu ko‘rishda bo‘lganlaridek[5], Imom Moturidiy ham o‘zining tafsirida aynan shu ma’noni tanlagan.[6] Zero oyatdagi “la yamassuhu” iborasi, “unga tegmasin” degan ma’nodagi nahiy emas, balki “unga tega olmaydilar” degan ma’nodagi nafiyni bildiruvchi bir ifodadir degan. Shuningdek, Arab tili qoidalariga ko‘ra, agar ifoda nahiy jumlasi bo‘lganda edi, qo‘limizdagi mus’haf oyatidagi “la yamassuhu” ning e’robi aslida “la yamsas’hu” yoki “la yamassahu” shaklida bo‘lar edi.

Ko‘rinib turilganidek, an’analashib qolgan “tahoratsiz Qur’onni ushlab bo‘lmaydi” degan hukm Arab tili qoidasiga ham to‘g‘ri kelmaydi, buni ilojisi ham yo‘q.

Endi bunga qo‘shimcha o‘laroq, mashhur mufassirlarni tafsirlaridagi – oyatlardan Qur’onni tahoratsiz ushlab bo’lmaydi degan hukm chiqmasligini tasdiqlaydigan hadis va rivoyatlarni va mufassirlarni fikrini asl arab tili holicha keltiramiz:

عن ابنِ عباسٍ {لَا يَمَسُّهُ إِلَّا الْمُطَهَّرُونَ} قال الكتابُ المُنَزَّلُ في السماءِ لا يَمَسُّهُ إلا الملائكةُ
(Abbos o‘g‘li Abdullohdan, Fathul Qodiyr 5/232)

عن سعيد بن جبير ﴿لا يَمَسُّهُ إِلا الْمُطَهَّرُونَ﴾ قال: الملائكة الذين في السماء
(Tobariy Tafsiri, aloqador oyat tafsiri)

لَا يَمَسُّهُ إِلَّا الْمُطَهَّرُونَ أي: لا يمس القرآن إلا الملائكة الكرام، الذين طهرهم الله تعالى من الآفات، والذنوب والعيوب
(Tafsir as-Sa’diy)

( لا يمسه ) أي ذلك الكتاب المكنون ، ( إلا ٌالمطهرون ) وهم الملائكة الموصوفون بالطهارة ، يروى هذا عن أنس ، وهو قول سعيد بن جبير ، وأبي العالية ، وقتادة وابن زيد : أنهم الملائكة ، وروى حسان عن الكلبي قال : هم السفرة الكرام البررة .
(Tafsir al-Bag‘oviy)

قال ابن جرير : حدثني إسماعيل بن موسى ، أخبرنا شريك ، عن حكيم – هو ابن جبير – عن سعيد بن جبير ، عن ابن عباس : ( لا يمسه إلا المطهرون ) قال : الكتاب الذي في السماء .
(Tafsir Ibn Kasir)

قوله تعالى : لا يمسه إلا المطهرون اختلف في معنى لا يمسه هل هو حقيقة في المس بالجارحة أو معنى ؟ وكذلك اختلف في المطهرون من هم ؟ فقال أنس وسعيد وابن جبير : لا يمس ذلك الكتاب إلا المطهرون من الذنوب وهم الملائكة . وكذا قال أبو العالية وابن زيد : إنهم الذين طهروا من الذنوب كالرسل من الملائكة والرسل من بني آدم ، فجبريل النازل به مطهر ، والرسل الذين يجيئهم بذلك مطهرون . الكلبي : هم السفرة الكرام البررة . وهذا كله قول واحد ، وهو نحو ما اختاره مالك حيث قال : أحسن ما سمعت في قوله : لا يمسه إلا المطهرون أنها بمنزلة الآية التي في ( عبس وتولى ) : فمن شاء ذكره في صحف مكرمة مرفوعة مطهرة بأيدي سفرة كرام بررة يريد أن المطهرين هم الملائكة الذين وصفوا بالطهارة في سورة ( عبس )
(Qurtubiy Tafsiri)

حدثني محمد بن سعد، قال: ثني أبي، قال: ثني عمي، قال: ثني أبي، عن أبيه، عن ابن عباس، قال: إذا أراد الله أن ينـزل كتابا نسخته السفرة، فلا يمسه إلا المطهرون، قال: يعني الملائكة.

حدثنا ابن بشار، قال: ثنا عبد الرحمن، قال: ثنا سفيان، عن الربيع بن أبي راشد، عن سعيد بن جبير ( لا يَمَسُّهُ إِلا الْمُطَهَّرُونَ ) قال: الملائكة الذين في السماء.

حدثنا ابن حُميد، قال: ثنا مهران، عن سفيان، عن الربيع بن أبي راشد، عن سعيد بن جبير ( لا يَمَسُّهُ إِلا الْمُطَهَّرُونَ ) قال: الملائكة.

حدثنا أبو كُريب، قال: ثنا ابن يمان، عن سفيان، عن الربيع بن أبي راشد، عن سعيد بن جبير ( لا يَمَسُّهُ إِلا الْمُطَهَّرُونَ )قال: الملائكة.

حدثنا ابن حُميد، قال: ثنا يحيى بن واضح، قال: ثنا عبيد الله، يعني العتكي، عن جبار بن زيد وأبي نهيك في قوله: ( لا يَمَسُّهُ إِلا الْمُطَهَّرُونَ ) يقول: الملائكة.

قال: ثنا مهران، عن سفيان، عن أبيه، عن عكرِمة ( لا يَمَسُّهُ إِلا الْمُطَهَّرُونَ ) قال الملائكة.

حدثني محمد بن عمرو، قال: ثنا أبو عاصم، قال: ثنا عيسى؛ وحدثني الحارث، قال: ثنا الحسن، قال: ثنا ورقاء جميعًا، عن ابن أبي نجيح، عن مجاهد، في قوله: ( لا يَمَسُّهُ إِلا الْمُطَهَّرُونَ ) قال الملائكة.

حدثنا ابن حُميد، قال: ثنا جرير، عن عاصم، عن أبي العالية ( لا يَمَسُّهُ إِلا الْمُطَهَّرُونَ ) قال: الملائكة.
(Tobariy Tafsiri)

فِي كِتابٍ مَكْنُونٍ﴾ مَصُونٍ وهو اللَّوْحُ المَحْفُوظُ. ﴿لا يَمَسُّهُ إلا المُطَهَّرُونَ﴾ لا يَطَّلِعُ عَلى اللَّوْحِ إلّا المُطَهَّرُونَ مِنَ الكُدُوراتِ الجُسْمانِيَّةِ وهُمُ المَلائِكَةُ
(Qoziy Bayzoviy Tafsiri)

Bular kabi yana o‘nlab tafsirlarda ham aynan shunday keltirilgan. Bularning barchasi oyatda zikr qilingan kitob samodagi kitob ekanini bayon qilishgan. Demak, tahoratsiz Qur’on suhlab bo’lmaydi degan hukm chiqarish uchun kimlardir oyatlarni bir-biridan ayrib ma’no berishga majbur bo’lishgan. Oyatlar birgalikda to’liq o’qilsa bu hukm chiqmaydi.

Payg’ambar alayhissalomdan kelgan rivoyatlarga nazar soladigan bo‘lsak, masala yanada ravshanlashadi. Masalan, Abdulloh ibn Abbosdan keltirilgan rivoyatga ko‘ra, bir kuni Rasululloh hojatdan ehtiyojini chiqarib qaytganda, u kishi uchun tayyorlangan ovqat oldiga o‘tirmoqchi bo’lganida, unga: “Tahorat olishingiz uchun suv olib kelaylikmi ey Allohning elchisi?” deyilganida, U shunday javob bergan ekan:

“Yo‘q! Menga faqat namozga turganimda tahorat olish buyurildi!”[7]

Payg’ambar alayhissalom ”Menga faqatgina namozga turganimda tahorat olishim buyurilgan” so‘zi bilan:

“Mo‘minlar! Namozga turgan vaqtingizda yuzlaringizni va qo‘llaringizni tirsaklaringizgacha yuving. Boshingizni masx qiling, oyoqlaringizni ham to‘piqlarigacha…” (Moida 5/60) oyatga ishorat qilgan va namoz o‘qishdan boshqa hech narsa uchun tahorat olishga buyurilmaganini ifoda qilgan. Agar Qur’onni ushlash uchun tahoratli bo‘lish shart bo‘lganida , U: “Menga faqatgina namozga turganimda va Qur’on o‘qib/ushlaydigan vaqtimdagina tahorat olishga buyurildim” degan bo‘lmasmidi?

 

Ba’zi bir xolis ilmli insonlarni taklifiga binoan bir oz qo‘shimcha kiritildi.

(Bu maqolani tayyorlashdan maqsadimiz – Qur’on talabalariga mashaqqat va qiyinchilik keltirib chiqarayotgan ba’zi bir fatvolarni Qur’on va Sunnat bilan o‘rganib chiqqan holda, asl haqiqatni o‘rtaga qo‘yish va Allohni dini yengillik din ekanini bildirish bo‘lgan, xolos.) 

 

[1] : http://isamveri.org/pdfdrg/D00036/2008_28/2008_28_HOCAOGLUM.pdf

[2] Faxriddin ar-Roziy, at-Tafsirul Kabir, Doru Ihyo at-Turos al-Arabiy,3 bs, Bayrut 1999, 10-jl, 430-431.

[3] Oyatdagi “mutohharun” iborasi ismi maf’ul bo‘lib, tozalangan, toza saqlangan, top-toza tutilgan degan ma’nolarni bildiradi va ular farishtalarning sifatlari ekanini bildiradi. Oyatda bu narsa ochiq qilinmagan bo‘lsada, yndan avvalgi va keyingi oyatlar birgalashib o‘qilsa, mutohharun kalimasidan farishtalar qasd etilgani ma;lum bo‘ladi.

[4] Qur’on Yo‘li Turkcha Tarjima va Tafsir, Diyonat Ishlari Vazirligi Nashriyoti Ankara 2008, 5-jl, 229-s.

[5] Ibn Jarir at-Tobariy Jome’ al-Bayon fi Ta’vil al-Qur’an, Dor al-Kutub al-Ilmiyya, 11-jl, 659-661-s.

[6] Abu Mansur al-Moturudiy, Ta’vilot al-Qur’an,Tahqiq, Muhammad Ma’sum Vanlio‘g‘li, Dor al-Miyzon, Istanbul, 2009, 14-jl, 321-322.

[7] Termiziy At’ima 40, Abu Dovud At’ima 11, “Nimaga tahorat olay, namoz o‘qiymanmi?” degan farqli javob bilan Muslimda Hayz 120.

Bizni Kuzating

%d такие блоггеры, как: