Musulmonlar
Мусулмонни Мусулмонга моли,  жони ва шарафи ҳаромдир

Мусулмонни Мусулмонга моли, жони ва шарафи ҳаромдир

Аллоҳнинг Элчиси шундай деди: “Бир-бирингизга ҳасад қилманглар, бир-бирларингизни айбларингизни очманглар, бир-бирингизга аччиқ қилиб ғазаб қилманг, бир-бирингиздан орқа ўгириб кетманглар, бошқангизнинг савдоси устига бошқа бирингиз савдо қилмасин. Аллоҳнинг ака-ука ҳолатидаги қуллари бўлинглар. Мусулмон –мусулмоннинг ака-укасидир; унга ҳақсизлик қилмайди,пастга уриб хорламайди, ҳақорат қилмайди. Тақво мана шу жойдадир. (Кўксига уч марта ишора қилдилар) Мусулмон биродарини ҳақорат қилиши кишининг ёмонлигига етарлидир. Мусулмоннинг мусулмонга қони, моли ва шарафи ҳаромдир.” (Абу Ҳурайрадан Имом Муслим ривояти)

Аллоҳнинг Элчиси шундай деди: “Бир мўмин бошқа бир мўминга нисбатан бир бўлаги бошқа бир бўлагини қувватлаб-мустаҳкамлаб турган бино кабидир.“ (Абу Мусодан Бухорий ва Муслим ривояти.)

Аллоҳнинг Элчиси шундай деди: “Икки мусулмон бир-бирига қурол кўтарса, ўлдирган ҳам ўлган ҳам жаҳаннамдадир.“ Айтдимки: Эй Аллоҳнинг Элчиси! Бу қотил хўп (ўлдирди), ўлдирилганда нима айб? Набий алайҳиссалом айтдики: “У ҳам шеригини ўлдирмоқчи эди-да.“ (Нафийʼ б. Ҳорисдан Бухорий ва Муслим ривояти.)

Набий алайҳиссалом бу гапни қайси оятларга асосланиб айтганини билмоқчи бўлсангиз, мана бу оятларни яхшилаб тафаккур қилинглар:

وَمَنْ يَقْتُلْ مُؤْمِنًا مُتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا.

“Кимки бир мўминни атайлаб ўлдирса, унинг жазоси ўлимсиз ҳолда қоладиган жаҳаннамдир. Аллоҳ унга ғазаб қилган, уни лаʼнатлаган ва унга оғир бир қийноқ тайёрлаб қўйгандир.” (Нисо 4/93)

Қўшимча маълумот учун Моида 5/27,30,33-оятларга мурожаат қилишингиз мумкин.