Musulmonlar

Janozaga xonadon egalari bo’lgan ayollar ham qatnashsa bo’ladimi?

Савол: Аёллар ҳам жаноза намозини ўқишадими?

Жавоб: Аёллар ҳам жаноза намозини ўқишлари мумкин. Аёлларни жаноза намозини ўқимаслиги кераклиги ҳақида ҳеч қандай далил ҳам ҳукм ҳам йўқ. Аксинча, улар ҳам жаноза намозига қатнашганлиги ҳақида далиллар бор. Сияр китобларида Пайғамбар алайҳиссаломни жанозаларини аёллар ҳам ўқигани ҳақида айтиб ўтилган.

Фиқҳ китобларида ҳам аёлларни жаноза намозини ўқиши мумкинлиги билдирилган ва бу кўришга асосан ҳукмлар чиқарилган.

Шунга кўра, агар аёллар жаноза намозини эркаклар билан бирга ўқимоқчи бўлсалар, беш вақт фарз намоздаги жамоат тартибига кўра, жанозада ҳам энг охирги сафда туришади. Пайғамбар алайҳиссаломни давридаги жамоат тартиби шундай бўлган.

Агар жаноза намози уйларда ўқиладиган бўлса, у ерга йиғилган аёллар ва ёш болалар ҳам жанозага қатнашишлари албатта яхши бўлади. Бу билан улар ўтган марҳумни ҳақига дуо қилиб Аллоҳдан мағфират сўраган ва Аллоҳни бир оз бўлса-да зикр қилган бўлади. Хонадонларда уйнинг ичкарисида ёки парда орқасида бўлса ҳам аёлларга жаноза намози ўқилишига имкон яратилиб қўйиши керак.

Жаноза ўқилишидан олдин дод солиб йиғлагандан, маййит қабристонга олиб кетишганидан кейин уввос солиб қолгандан, қабристонга эртаси кундан бошлаб ҳар куни чиқиб йиғи-сиғи қилгандан кўра, жаноза намозига қатнашиб, марҳумни ҳақига Аллоҳдан мағфират ва раҳмат сўраб дуо қилгани яхши бўлади албатта.

Bizni Kuzating

%d bloggers like this: