Савол: Эшитишимизга кўра Аллоҳ таоло тарафидан 4 дона эмиш ва яна 100 дона саҳифа юборилган эмиш, шу тўғрими?
Жавоб: Йўқ, асло бундай эмас. Аллоҳ таоло Одамдан то Муҳаммад алайҳиссаломгача қанча набий/пайғамбар юборган бўлса, уларнинг барчасига китоб берган. Биз буларнинг барчасига бирдек ишонишимиз керак. Пайғамбарларнинг асосий иши зотан Аллоҳдан келган буйруқларни инсонларга етказишдир, агар Аллоҳдан биронта китоб олмаган бўлса, нимани етказади инсонларга? Аллоҳ таоло Қуръони Каримда бу ҳақда шундай марҳамат қилади:
قُولُوا آمَنَّا بِاللَّهِ وَمَا أُنْزِلَ إِلَيْنَا وَمَا أُنْزِلَ إِلَىٰ إِبْرَاهِيمَ وَإِسْمَاعِيلَ وَإِسْحَاقَ وَيَعْقُوبَ وَالْأَسْبَاطِ وَمَا أُوتِيَ مُوسَىٰ وَعِيسَىٰ وَمَا أُوتِيَ النَّبِيُّونَ مِنْ رَبِّهِمْ لَا نُفَرِّقُ بَيْنَ أَحَدٍ مِنْهُمْ وَنَحْنُ لَهُ مُسْلِمُونَ. فَإِنْ آمَنُوا بِمِثْلِ مَا آمَنْتُمْ بِهِ فَقَدِ اهْتَدَوْا ۖ وَإِنْ تَوَلَّوْا فَإِنَّمَا هُمْ فِي شِقَاقٍ ۖ فَسَيَكْفِيكَهُمُ اللَّهُ ۚ وَهُوَ السَّمِيعُ الْعَلِيمُ
“(Эй мўминлар!) Сизлар: “Аллоҳга ишондик, бизга юборилган китобга ҳам, Иброҳимга, Исмоилга, Исҳоққа, Яъқубга ва унинг набираларига юборилган китобларга ҳам, Мусога ва Исога берилган китобларга ҳам, (булардан бошқа) пайғамбарларга яратган Эгаси тарафидан берилган китобларга ҳам ишондик. Улар орасидан ҳеч бирини ажратмаймиз. Биз у (Аллоҳга) таслим бўлувчимиз”, деб айтинглар. …” (Бақара сураси 236)
وَوَهَبْنَا لَهُ إِسْحَاقَ وَيَعْقُوبَ ۚ كُلًّا هَدَيْنَا ۚ وَنُوحًا هَدَيْنَا مِن قَبْلُ ۖ وَمِن ذُرِّيَّتِهِ دَاوُودَ وَسُلَيْمَانَ وَأَيُّوبَ وَيُوسُفَ وَمُوسَىٰ وَهَارُونَ ۚ وَكَذَٰلِكَ نَجْزِي الْمُحْسِنِينَ وَزَكَرِيَّا وَيَحْيَىٰ وَعِيسَىٰ وَإِلْيَاسَ ۖ كُلٌّ مِّنَ الصَّالِحِينَ وَإِسْمَاعِيلَ وَالْيَسَعَ وَيُونُسَ وَلُوطًا ۚ وَكُلًّا فَضَّلْنَا عَلَى الْعَالَمِينَ وَمِنْ آبَائِهِمْ وَذُرِّيَّاتِهِمْ وَإِخْوَانِهِمْ ۖ وَاجْتَبَيْنَاهُمْ وَهَدَيْنَاهُمْ إِلَىٰ صِرَاطٍ مُّسْتَقِيمٍ ذَٰلِكَ هُدَى اللَّـهِ يَهْدِي بِهِ مَن يَشَاءُ مِنْ عِبَادِهِ ۚ وَلَوْ أَشْرَكُوا لَحَبِطَ عَنْهُم مَّا كَانُوا يَعْمَلُونَ أُولَـٰئِكَ الَّذِينَ آتَيْنَاهُمُ الْكِتَابَ وَالْحُكْمَ وَالنُّبُوَّةَ ۚ فَإِن يَكْفُرْ بِهَا هَـٰؤُلَاءِ فَقَدْ وَكَّلْنَا بِهَا قَوْمًا لَّيْسُوا بِهَا بِكَافِرِينَ
“Иброҳимга (хизматини тақдирлаб) Исҳоқ ва Яъқубни бердик. Барчасини тўғри йўлга қабул қилдик. Ундан аввал Нуҳни ҳам тўғри йўлга қабул қилганмиз. Унинг зурриётидан Довудни, Сулаймонни, Айюбни, Юсуфни, Мусони ва Ҳорунни ҳам тўғри йўлга қабул қилганмиз. Муҳсинларни шундай мукофотлаймиз.
Яна, Закариё, Яҳё, Исо ва Илёсни ҳам тўғри йўлга қабул қилдик. Барчаси яхшилардандир.
Исмоил, Алясаъ, Юнус ва Лутни ҳам тўғри йўлга қабул қилдик. Барчасини замондошларидан устун (фазилатли) қилдик.
Уларнинг ота-боболаридан, зурриётларидан ва ака-укаларидан ҳам… Уларни танлаб олдик ва уларни ҳам тўғри йўлга қабул қилдик.
Мана шу Аллоҳнинг йўли. У қуллари орасидан керакли ишни қилганларни йўлига қабул қилади. Агар (пайғамбарлар) ширк қўшсалар эди, қилган барча (яхши) ишлари ҳабата бўлиб кетарди.
Мана шулар – Биз уларга китоб, ҳикмат ва пайғамбарлик берган кишилардир. Агар бу (инсон)лар уларни (уларга берилган китоб, ҳикмат ва пайғамбарикни) тан оламаса, улар устидан кофирлик қилмайдиган кишиларни вакил қилиб қўямиз.” (Анъом сураси 84-89)
وَإِذْ أَخَذَ اللَّـهُ مِيثَاقَ النَّبِيِّينَ لَمَا آتَيْتُكُم مِّن كِتَابٍ وَحِكْمَةٍ ثُمَّ جَاءَكُمْ رَسُولٌ مُّصَدِّقٌ لِّمَا مَعَكُمْ لَتُؤْمِنُنَّ بِهِ وَلَتَنصُرُنَّهُ ۚ قَالَ أَأَقْرَرْتُمْ وَأَخَذْتُمْ عَلَىٰ ذَٰلِكُمْ إِصْرِي ۖ قَالُوا أَقْرَرْنَا ۚقَالَ فَاشْهَدُوا وَأَنَا مَعَكُم مِّنَ الشَّاهِدِينَ
“Аллоҳ набийлардан (бирма-бир) сўз олиб: “Сизларга китоб ва ҳикмат бераман, шундан кейин сизлардаги (китоб)ни тасдиқлайдиган бир элчи – китоб келса, унга қатъий ишонишингиз ва унга ёрдам беришингиз/қўллаб-қувватлашингиз керак. Буни қабул қилдингизми? Бу оғир юкимни ўзингизга юклаб олдингизми?”- деганида, улар: “Қабул қилдик!”- деган. “Ундай бўлса (бунга) гувоҳ бўлинглар, Мен ҳам сизлар билан бирга гувоҳман”,- деди (Аллоҳ).”
Юқоридаги оятларда, Аллоҳ таоло барча ваҳий олган пайғамбарларга китоб ва ҳикмат бергани очиқ-ойдин баён қилинмоқда. Буларни барчасига имон келтиришимиз ва бир-биридан ажратмасдан ҳаммаси ҳам Аллоҳ тарафидан юборилганига, ўз вақтида улар асл ҳолатича бўлганига ва уларда Аллоҳнинг ҳаётий кўрсатмалари, қонунлари ва дунё ва охиратга алоқадор бўлган инсониятни фойдаси учун керакли бўлган маълумотлар бўлганига ишонишимиз керак. Кейинчалик эса, Аллоҳнинг китобларини маъноларини ўзгартириб таҳриф қилишга уринишган. Қуръони Каримни эса, матнларини қиёматгача ҳеч ким бузиб ўзгартира олмайди. Буни Аллоҳ ўз зиммасига олган.
