Musulmonlar

Ayolimga: “Ey malagim”, qizimga esa: “Farishtaginam”, desam bo’lmaydimi?

Савол: Баъзан қулоғимга “Фариштадек қиз экан”, Фариштани ўзи экан”, каби сўзлар чалиниб қолади. Бу сўзлардан кўзда тутилган нарса, баъзи аёл-қизларни фаришталарга ўхшатиш бўлади. Мен бу гаплардан фаришталар аёл жинсиданмикин деб ўйлаб қолдим. Бу ҳақда маълумот бера оласизми?

Жавоб: Аллоҳ таоло фаришталарга аёллик нисбатини берадиган ва фаришталарни аёл-қизлар номи билан номлайдиган кишилар ҳақида шундай буюрган:

“Охиратга ишонмайдиганлар фаришталарга аёллик исмини берадилар. Бу ҳақда уларни ҳеч қандай маълумоти ҳам йўқ. Улар фақатгина гумон-таҳминга кўра ҳаракат қилишади. Ҳолбуки, гумон-таҳмин ҳақиқатни ўрнига ўтмайди.” (Нажм 53/27-28)

“Раҳмоннинг қуллари бўлмиш фаришталарни аёл киши деб эътиқод қилишди. Фаришталарни яратилишига гувоҳ бўлган эканмилар (ки фаришталар аёл киши эканини кўрган бўлсинлар)?! Уларни бу эътиқоди ёзиб қўйилади ва буни ҳисоби сўралади.” (Зухруф 43/19)

Биринчи оятга кўра фаришталарга аёлликни нисбат бераётганларни охиратга ишонмайдиган кофирлар эканини, демак бундай гаплардан ва фаришталарга аёлликни нисбат беришдан қайтарилмоқда. Иккинчи оятда эса фаришталарни аёл киши деб эътиқод қиладиган кишилар мушрик эканидан хабар бермоқда. Чунки айнан мана шу суранинг 9- оятидан бошлаб мушриклар ва уларни хатти-ҳаракатари, нотўғри эътиқод ва хато ишлари ҳақида баён қилинмоқда.

Хулоса қилиб айтадиган бўлсак, халқ орасида эътиборсизлик билан айтиб юриладиган “Фариштадек қиз экан,” “Малак симо экан”, каби сўзлар ёки ўз аёлига “Эй фариштагинам”, “Эй малагим”, ёки қизларига қараб “Ўзимни фаришта қизим”, каби сўзларини айтиб бўлмайди. Чунки бу сўзларни замирида фаришталарни аёл киши эканига далолат қилувчи маънолар бор.

Bizni Kuzating

%d такие блоггеры, как: