Musulmonlar

Кредит/фоиз ҳақида қисқа қилиб фатво бера оласизми?

Савол: Қисқа қилиб кредит ҳақида фатво бера оласизми?

Жавоб: Кредит ҳақида Аллоҳ таолони ўзи фатво бериб бўлган. Агар Аллоҳни берган ҳукмидан, буюрган амридан қаноат қилмасангиз, бошқа ҳукм ва фатволарга ва бошқача фатво берадиган шахсларга мурожаат қилишингиз мумкин. Қуйидаги оятлар Аллоҳни фоиз ҳақида туширган сўзлари:

“Фоиз ейдиганлар, шайтон тегиб ақлини чалиб қўйган кишининг ҳаракатидан фарқли ҳаёт кечирмайди. Бу нарса – улар: “Савдо-сотиқ фоиз билан бир хил” деганликлари учундир. Аллоҳ савдо-сотиқни ҳалол қилган, фоизни эса ҳаром қилган. Кимга Раббидан бир насиҳат келса ва фоизга чек қўйса, ўтмишдаги иши ўзига тегишлидир; уни иши Аллоҳга оид. Ким яна давом этса, ана ўшалар жаҳаннам аҳолисидир. Улар у ерда ўлимсиз ҳолда қоладилар. (Бақара 2/275)

“Аллоҳ фоизни камайтиради ва закотни кўпайтиради. Аллоҳ нонкўр ва гуноҳкорларни ҳеч бирини севмайди.” (Бақара 2/276)

 “Эй мўминлар! Аллоҳдан қўрқинглар! Фоиздан нимаики қолган бўлса уни барчани тарк қилинглар! Агар мўмин бўлсангизлар. Агар бундай қилмасангиз, билингки, Аллоҳга ва Элчисига қарши уруш очган бўласиз. Агар тавба қилиб қайтсангиз – сизлар ҳам ҳақсизлик қилмаган ва сизларга нисбатан ҳам ҳақсизлик қилинмаган ҳолда – мол-мулкларингизни асосий бўлаги бўлган дастмояларингиз ўзингизга қайтарилади. Қарздор қийин аҳволда бўлса, аҳволи яхшилангунча кутиб турилади. Кечиб садақа қилиб юборишингиз сизлар учун янада яхши. Агар билганингизда-ми!..” (Бақара 2/278-280)

Аллоҳ таолога қарши уруш – табиий тартибга ва борлиқдаги тўғри интизомга қарши уруш деганидир. Табиатдаги қоидаларни ўртага қўйган зот Аллоҳ бўлганлиги учун, ижтимоий ҳаётдаги ва табиатдаги қоидаларни бузувчи ҳаракатлар, Аллоҳни қоидасини бузган ва Аллоҳга қарши чиққан ва тажовуз қилган деб қабул қилинади.

“Инсонларни мол-мулклари орасида ортсин деб фоизга берган нарса/қарз Аллоҳнинг ҳузурида ортмайди. Аллоҳни розилигини хоҳлаб берган закотларингизга келсак, ана ўша қат-қат қилиб орттирадиганлар закот берганлардир.” (Рум 30/39)

“Эй мўминлар! Қат-қат ортган фоизни еманглар. Аллоҳдан қўрқинглар, шояд, муродингизга эришсангиз.” (Оли Имрон 3/130)

Бу ҳақда қўшимча оят ва ҳадислар ҳақидаги маълумотга эга бўлмоқчи бўлсангиз, қуйидаги мақолани ҳам ўқиб чиқишингизни тавсия қиламиз:

http://www.musulmonlar.com/?p=3235

Телеграм каналимиз: