Musulmonlar
Яхши ва ёмон руҳлар (Тариқатчиликка Назар 12- бўлим)

Яхши ва ёмон руҳлар (Тариқатчиликка Назар 12- бўлим)

Яшаб турган бир инсонни муқаддаслаштириб улуғлаш қийин иш, лекин, яхши ном қолдириб ўлиб кетган кишини муқаддаслаштириб буюк деб қабул қилдириш осон бўлади. Айтмоқчи бўлганимиз ҳам айнан ана шундай инсонларнинг руҳларидир. Буларга олий ва покиза руҳлар ҳам дейилади. Ёмон инсонларнинг руҳларини эса суфлий руҳлар дейилади. Шайтонлар мана шу қамровни жорий қилиш оқибатида, аксарият инсонларга қўрқув ва нотўғри тушунча солиб қўяди.

Мурид: Бир устозимиз шундай деган:

Олий ва покиза руҳлар инсонлар учун муҳофазачилик вазифасини адо этаркан, ёмон ва пасткаш руҳлар инсонлар зарар бериш учун қўлидан келган барча ишни қилишади. Булар айни вақтда инсонларга душмандир. Барча ёмонликлар ва ёмон ишларни орқасида ана шулар туради. Характер, ирода ва руҳан кучсиз бўлган инсонларни ўз таъсирлари остига ўтказиб оладилар ва улардан фойдаланадилар.

Байиндир: “Олий ва покиза руҳлар инсонлар учун муҳофазачилик вазифасини бажарганини, ёмон руҳлар эса инсонлар учун қўлларидан келган барча ёмонликларни бажаришганини” қабул қилиш, яхшиликни покиза руҳлардан, ёмонликни эса ёмон руҳлардан кутган бўлиб қолади-ку! Аллоҳ таоло шундай буюради:

مَّا أَصَابَكَ مِنْ حَسَنَةٍ فَمِنَ اللَّـهِ ۖ وَمَا أَصَابَكَ مِن سَيِّئَةٍ فَمِن نَّفْسِكَ ۚ وَأَرْسَلْنَاكَ لِلنَّاسِ رَسُولًا ۚ وَكَفَىٰ بِاللَّـهِ شَهِيدًا

“Сенга келган ҳар не яхшилик Аллоҳдан келган бўлади, сенга келган ҳар не ёмонлик ўзингдан содир бўлган бўлади. Сени инсонларга элчи қилиб юбордик. Гувоҳ ўлароқ Аллоҳ етар!” (Нисо 4/79)

قُل لَّا أَمْلِكُ لِنَفْسِي نَفْعًا وَلَا ضَرًّا إِلَّا مَا شَاءَ اللَّـهُ

“Эй Муҳаммад! Айтгинки: “Аллоҳ муносиб кўрмагунча, мен ҳатто ўзимга ҳам на бир фойда ва на бир зарар беришга кучим етмайди. …” (Аъроф 7/188)

Осмонлар ва ернинг ягона ҳукмдор ёлғиз Аллоҳдир. Уларни ва уларни ичидаги борлиқларни муҳофаза қилиб туриш вазифасини ҳеч кимга юкламаган:

“… Унинг ҳокимияти осмонларни ҳам ерни ҳам қамраб олган. У иккаласини муҳофаза қилиб туриш Унга оғир келмайди. У улуғдир, буюкдир.” (Бақара 2/255)

Яхшиликларни баъзи руҳонийдан, ёмонликларни эса бошқа бир руҳонийлардан кутиш, яхшилик илоҳлари ва ёмонлик илоҳлари тўқиб чиқариш деган гап билан бир хил бўлади.

Қолаверса, руҳ вужудсиз бир ўзи хоҳлаган жойда хоҳлаган ишини қилиб юрадиган мавжудот эмас. Худди замонамиздаги ақлли телефон ва компютерларни ичидаги дастур ва программалари каби,  руҳ – инсон вужуди эшита олиш, кўра олиш, ҳис қила олиш, сақлаб қолиш, фикр юрита олиш каби хусусиятларни амалга ошириши учун берилган қобилият ва салоҳиятли дастурдир. Инсон ухлаганда руҳ чиқиб туради дегани ҳам, дастурли электрон жиҳозлар ўчириб қўйилганида ичидаги дастури ишламай турганидек, уйқудаги инсон ҳам ўзидаги инсоний хусусиятларидан тўлиқ фойдаланиш қобилияти тўхтаб туради. Демак, руҳ ўзи алоҳида ҳаракатга келиб бир иш бажарадиган борлиқ эмас.

(Руҳ ҳақда қўшимча маълумот олмоқчи бўлган кишилар Руҳ номли мақоламизга мурожаат қилишлари мумкин.)

Телеграм каналимиз: