Musulmonlar
Али р.а. ни нечта аёли бўлган? Насли кимлардан давом этган?

Али р.а. ни нечта аёли бўлган? Насли кимлардан давом этган?

Савол: Али р. а. ни аёли қанча бўлган? Бир жойда Уни иккита аёли бўлганлиги айтилмоқда. Ҳамда Ҳасан ва Ҳусандан бошқа яна фарзандлари ҳам бор эмиш. Бу ҳақда маълумот бера оласизми?

Жавоб: Манбаларда исботланишига кўра, Али р. а. ни аёллари ва ўша аёлларидан қолдирган наслларини исмлари қуйидагича:

  1. Пайғамбаримизнинг қизлари Фотима (Аллоҳ ундан рози бўлишини сўраймиз). Фотима онамиз тириклигида Ҳазрати Али бошқа аёл билан уйланмаган. Фотима онамизда: Ҳасан, Ҳусайн, ёшлигида вафот этган Муҳсин, Зайнаб ва Умму Гулсум номли фарзандлари бўлган.
  2. Уммул-Банин бинти Ҳизом: Аббос, Жаъфар, Абдуллоҳ ва Усмон номли фарзандлари бўлган. Улар орасидан Аббосни зурриёти давом этган.
  3. Лайло бинти Масъуд: Убайдуллоҳ ва Абу Бакр номли фарзандлари бўлган. Насллари ҳам давом этган.
  4. Ҳавла бинти Жаъфар: Муҳаммад бин Ҳанафийяни мана шу аёлидан кўрган.
  5. Асмо бинти Умайс: Яҳё ва Муҳаммад номли ўғиллари бўлган. Насллари ҳам давом этган.
  6. Умму Ҳабиб бинти Робиа: Умар ва Руқия номли фарзандлари бўлган.
  7. Умома бинти Абул-Ос: Муҳаммад ал-Авсат номли фарзанди бўлган.
  8. Умму Саид бинти Урва: Уммул-Ҳасан ва Ромла номли фарзандлари бўлган.

 

Ҳазрати Алини насллари ўғли Ҳасан, Ҳусайн, Муҳаммад бин Ҳанафийя, Аббос ва Умар орқали давом этганлиги ҳақида манбаларда маълумот бор.

 

Сулаймония Вақфи Фатво Бўлими.   

Телеграм каналимиз: