Musulmonlar
Пайғамбаримизнинг ҳар бир хатти-ҳаракати биз учун суннатми?

Пайғамбаримизнинг ҳар бир хатти-ҳаракати биз учун суннатми?

Савол: Пайғамбар алайҳиссаломни ибодат мақсади билан амалга оширган ишлари суннат дейиладими ёки барча қилиб ўтган ишлари суннат бўладими биз учун?

Жавоб:  Набий алайҳиссаломнинг ҳаракатлари учга бўлинади:

  1. Башар, яъни инсонлик нуқтаи назаридан амалга оширган ишлари: Пайғамбаримизнинг бундай ҳаракатлари усули фиқҳ илмида “ал-афъол ал-жибиллийя” дейилади. Яъни, еб-ичган таомлари ва кийим-кечаклари ва шу каби бошқа шахсий ишлари мубоҳ ишлар қаторига киради. Яъни, ҳар қандай инсон бу каби ишларни қачон ва қаерда ва қанча миқдорда бажариши уни ўз ихтиёридадир. Бу ишларда асос бўлган нарса унинг ҳалол ёки ҳаром эканидадир. Чунки, булар Аллоҳнинг Элчиси тарафидан бир инсонлик сифати билан юзага келган ишлардир. Аммо, бир инсон: “Мен Набийимизга ўхшашни хоҳлайман” деб ният қилса, унинг ниятидаги самимияти туфайли Аллоҳдан ажр умид қилинади.
  2. Набийимизни шахсан ўзига хос хатти-ҳаракатлари: Булар, таҳажжуд намозини уни ўзига фарз қилиниши, тўрттадан кўп аёлга никоҳланиши каби шаръий бир далил билан белгилаб берилган ишларидир. Мусулмонлар унинг бу ҳаракатларини ўзларига далил қилиб олишлари мумкин эмас.
  3. Набийимизни ўрнак ва намуна ўлароқ қилиб ўтган ишлари: Намоз ўқиши, рўза тутиши, ҳажга бориши каби диний амалларига қолган Мусулмонлар ҳам эргашиши ва ўзига ўрнак қилиб олиши шартдир. Зеро, у зот бу каби ишларни ўз орзу-истакларига кўра эмас, балки, Қуръондан чиқарган ҳукмларга асосланиб бажарган.

Телеграм каналимиз: