Таҳоратсиз ҳолда бола эмизиш мумкинми?
Musulmonlar > Fatvolar > Oila hayoti > Таҳорат Tarix: 10 Sentabr 2018 Email This Post Email This Post

Савол: Таҳоратсиз ёки жунуб ҳолатда болани эмизиш мумкинми?

Жавоб: Оналар ўз чақалоқларини ҳар қандай ҳолатда эмизишлари мумкин; таҳоратли ёки таҳоратсиз, жунуб ёки пок, ҳайз/одатли ёки одатсиз бўлган вақтларда. Таҳоратни фақат намоз учун олиниши буюрилгани ҳақида бизга Набий алайҳиссалом сўзлари ва ҳаракатлари билан чиройлик қилиб тушунтириб берган. Абдуллоҳ ибн Аббосдан ривоят қилинган ҳадисга кўра:

“Набий алайҳиссалом ҳожатхонадан чиққан вақтида, у киши учун таом ҳозирланди, таомга яқинлашиб ўтирмоқчи бўлганида, янидагилар: Таҳорат олиш учун сув олиб келайликми? деганларида, Росулуллоҳ шундай жавоб бердилар:
“(Йўқ!) Мен намозга турган вақтимда таҳорат олишга буюрилдим.”

عَنْ أَبِي هُرَيْرَةَ رضي الله عنه، أَنَّهُ لَقِيَهُ النَّبِيُّ صلى الله عليه وسلم فِي طَرِيقٍ مِنْ طُرُقِ الْمَدِينَةِ وَهُوَ جُنُبٌ، فَانْسَلَّ فَذَهَبَ فَاغْتَسَلَ، فَتَفَقَّدَهُ النَّبِيُّ صلى الله عليه وسلم فَلَمَّا جَاءَهُ قَالَ: «أَيْنَ كُنْتَ؟ يَا أَبَا هُرَيْرَةَ» قَالَ: يَا رَسُولَ اللّهِ! لَقِيتَنِي وَأَنَا جُنُبٌ، فَكَرِهْتُ أَنْ أُجَالِسَكَ حَتَّى أَغْتَسِلَ. فَقَالَ رَسُولُ اللّهِ صلى الله عليه وسلم: «سُبْحَانَ الله إِنَّ الْمُؤْمِنَ لاَ يَنْجَسُ».

Абу Ҳурайрадан шундай ривоят қилинади: Абу Ҳурайра бир куни Набий алайҳиссалом билан жунуб ҳолатида Мадина кўчаларидан бирида ушрашиб қолди, ўша заҳоти дарҳол айрилиб кетиб ғусл қилди. Бу орада Набий алайҳиссалом уни кўздан қочирди. Абу Ҳурайра қайтиб келганида, Набий алайҳиссалом: «Эй Абу Ҳурайра, қаерда эдинг?ʼ деди. Шунда у: »Эй Аллоҳнинг Элчиси, мен сизга жунублик ҳолатимда йўлиққан эдим, ғусл қилмай туриб, сиз билан бир жойда ўтиришни истамадим (кароҳият билдим)« деди. Бунга жавобан Аллоҳнинг Элчиси шундай деди: »Субҳаналлоҳ! Мўмин киши нажас болмаслиги аниқ ҳақиқатдир.” (Имом Муслим ривояти.)

Facebookta UlashishTwitterda Ulashish
202 O'qildi
 
Aloqador yoki o'xshash fatvolar
Raqam     Mavzu Tarix    O'qildi    
1 Жунублик ва ғусл 10.09.2018 173
2 Таҳоратсиз ҳолда бола эмизиш мумкинми? 10.09.2018 202
3 Жунуб инсон бошқаларни ҳам нопок қиладими? 10.09.2018 166
4 Жунуб ҳолатда еб-ичиш, ётиб ухлаш ва шу каби ишлар қилиш мумкинми? 10.09.2018 183