Musulmonlar
Сасвол: “Сизлар учун Росулуллоҳда ўрнак бордир” оятни қандай тушунамиз?

Сасвол: “Сизлар учун Росулуллоҳда ўрнак бордир” оятни қандай тушунамиз?

Сасвол: “Сизлар учун Росулуллоҳда ўрнак бордир” оятни қандай тушунамиз?

Жавоб: Аҳзоб 33/21-оятда шундай марҳамат қилинган:

لَّقَدْ كَانَ لَكُمْ فِي رَسُولِ اللَّـهِ أُسْوَةٌ حَسَنَةٌ لِّمَن كَانَ يَرْجُو اللَّـهَ وَالْيَوْمَ الْآخِرَ وَذَكَرَ اللَّـهَ كَثِيرًا

“Сизлар учун – Аллоҳга ва охират кунига умиди бўлганлар ва Аллоҳни кўп-кўп зикр қилганлар[1](Аллоҳнинг китобини тушуниб кўп ўқигувчилар) учун Аллоҳнинг Элчисида чиройли ўрнак бордир.” (Аҳзоб 33/21)

Муҳаммад алайҳиссалом, Аллоҳнинг Росули сифатида бизга Китобни ва Ҳикматни ўргатгандир (Бақара 2/151). Бу оят ҳам, унинг ҳар бир мавзуда бизларга ўрнак эканлигини баён қилиб бермоқда. Хусусан, Қуръони Каримни ўрганишда, ўргатишда, уни таблиғ қилиш жараёнида шартли равишда ҳеч нарса тамаъ қилмасликда, Қуръонни ва динни даъвати учун бировдан бирон нарса ҳам талаб қилмасликда, Аллоҳнинг динига энг чиройли гаплар ва ҳикмат билан чақиришда, бу йўлда сабрли ва бардошли бўлишда, кечаю кундуз Аллоҳдан афв ва мағфират сўрашда, ахлоқи Қуръон эканлигида ва Росуллик сифати асносида қилиб ўтган барча ишларида бизларга чиройли ўрнак бўлиб ўтганини кўрамиз. Чунки Набий алайҳиссаломнинг энг асосий вазифаси Аллоҳнинг Китобини таблиғ қилиш бўлган. Бу ишлар эса, фақатгина Аллоҳ ва охират кунига умиди бўлган, Аллоҳга ич-ичидан ишонган ва унга суяниб яшаган ва Аллоҳнинг Китобини тушунган ҳолда кўп-кўп ўқиган кишиларгина бўла оладилар.

[1] Бир нарсани унга алоқадор бўлган боғлиқликлари билан бирга тушуниб ўрганишни маърифат дейилади, ўша маърифатни керакли вақтда фойдалана олиш учун зеҳнда сақлаб қолишни ёки ўша маърифатни тил билан ифода этишни зикр дейилади. (Муфрадот عرف ва ذكر мд.)

Телеграм каналимиз: