Musulmonlar
Қуръонда Мусулмонни кимлар билан бирга ўтириши тақиқланган?

Қуръонда Мусулмонни кимлар билан бирга ўтириши тақиқланган?

Жавоб: Қуръонни камситаётган, у ҳақда ёлғон-елпи гапларни гапираётганлар ва Қуръонни иккинчи ўринга қўяётганлар билан бир жойда қолиш ва улар билан ҳамсуҳбат  ва ҳам фикр бўлиб ўтиришдан қаттиқ қайтарилганмиз. Бу ҳақда Аллоҳ таоло шундай марҳамат қилади:

وَقَدْ نَزَّلَ عَلَيْكُمْ فِي الْكِتَابِ أَنْ إِذَا سَمِعْتُمْ آيَاتِ اللَّـهِ يُكْفَرُ بِهَا وَيُسْتَهْزَأُ بِهَا فَلَا تَقْعُدُوا مَعَهُمْ حَتَّىٰ يَخُوضُوا فِي حَدِيثٍ غَيْرِهِ ۚ إِنَّكُمْ إِذًا مِّثْلُهُمْ ۗ إِنَّ اللَّـهَ جَامِعُ الْمُنَافِقِينَ وَالْكَافِرِينَ فِي جَهَنَّمَ جَمِيعًا

“Шубҳасизки, Аллоҳ сизларга Китобда (шуни ҳам) нозил қилди: “Қачонки Аллоҳнинг оятлари тан олинмаётганини ва унинг қадр-қиймати ўз ўрнига қўйилмаётганини эшитсангизлар, то бошқа гапга ўтмагунларича ундай кимсалар (кофирлар/Қуръон оятларини тан олмайдиганлар ва камситадиганлар) билан бирга ўтирманглар!” (Улар билан бирга ўтиришда давом этсангиз) демак, сизлар ҳам шак-шубҳасиз уларни ўзисиз. Шубҳасиз, Аллоҳ барча мунофиқ ва кофирларни (ҳақиқатларни кўрмаганга олганларни) жаҳаннамга тўплайди.” (Нисо 4/140)

Бу оятга кўра, бир мусулмон қайсики бир даврада ўтирса-ю, у ерда оятлар айтилганда, оятдан гапирилганида, у ердаги кимсалар оятларни тан олмасалар ёки оятлардан кўра бошқаларни сўзлари ва бошқаларни ҳукмлари устун қўйилса, мусулмонман деган кимса у ерда асло бирга ўтирмаслиги керак бўлади. У ердагилар хоҳ ўзини мўминман десин хоҳ муслимман десин. Ўзини мўминман деса-ю, юқорида айтилганидек, оятларга нотўғри муносабатда бўлганлар мунофиқ деб аталиши ўртада.

Телеграм каналимиз: