Musulmonlar
Қуръонни ўзгартиришга Расулуллоҳни ваколати ва ҳаққи бўлганми?

Қуръонни ўзгартиришга Расулуллоҳни ваколати ва ҳаққи бўлганми?

Савол: Муҳаммад алайҳиссалом Қуръон оятларидан биронтасини ўзгартириши ёки, унинг ҳукмини ўзгартириши ёки, Қуръонда бўлмаган биронта янги диний ҳукм пайдо қилиши мумкинмиди? Бунга уни ҳаққи бормиди?

Жавоб: Асло йўқ. Бу ҳақда Аллоҳ таоло у кишини қаттиқ огоҳлантирган. Бу ҳақдаги оятлар қуйидагича:

وَإِذَا تُتْلَىٰ عَلَيْهِمْ آيَاتُنَا بَيِّنَاتٍ ۙ قَالَ الَّذِينَ لَا يَرْجُونَ لِقَاءَنَا ائْتِ بِقُرْآنٍ غَيْرِ هَـٰذَا أَوْ بَدِّلْهُ ۚ قُلْ مَا يَكُونُ لِي أَنْ أُبَدِّلَهُ مِن تِلْقَاءِ نَفْسِي ۖ إِنْ أَتَّبِعُ إِلَّا مَا يُوحَىٰ إِلَيَّ ۖ إِنِّي أَخَافُ إِنْ عَصَيْتُ رَبِّي عَذَابَ يَوْمٍ عَظِيمٍ 

“Қачон уларга  Бизнинг очиқ-равшан оятларимиз тиловат қилинса, Бизга (ёруғ юз ила) рўбарў бўлишни умид қилмайдиганлар: “Бу Қуръондан бошқа бир Қуръон келтир, ёки буни ўзгартир”, дедилар. Айт: “Ўзбошимчалик қилиб уни ўзгартиришга мени ҳаққим йўқ. Мен фақат ўзимга ваҳий қилинган оятларгагина эргашаман. Чунки, мен агар (уни ўзгартириб) Раббимга исён қилсам, улуғ Куннинг азобидан қўрқаман.  (Юнус 10/15)

فَمَنْ أَظْلَمُ مِمَّنِ افْتَرَىٰ عَلَى اللَّـهِ كَذِبًا أَوْ كَذَّبَ بِآيَاتِهِ ۚ إِنَّهُ لَا يُفْلِحُ الْمُجْرِمُونَ 

“Ахир Аллоҳ шаънига бўҳтон қилган ёки, Унинг оятларини ёлғон деган кимсадан ҳам золимроқ ким бор?! Албатта, ундай жиноятчиларни нажот топмаслиги аниқ.” (Юнус 10/17)

وَلَوْ تَقَوَّلَ عَلَيْنَا بَعْضَ الْأَقَاوِيلِ ﴿٤٤ لَأَخَذْنَا مِنْهُ بِالْيَمِينِ ﴿٤٥ ثُمَّ لَقَطَعْنَا مِنْهُ الْوَتِينَ ﴿٤٦ فَمَا مِنكُم مِّنْ أَحَدٍ عَنْهُ حَاجِزِينَ﴿٤٧

“Агар Муҳаммад, биз ҳақимизда баъзи гапларни  уйдириб гапирганда эди, уни қаттиқ ушлар эдик, сўнгра шохтомирини узиб ташлар эдик. Ораларингиздан ҳеч ким уни қутқариб қололмас эди.” (Ҳаққо 69/44-47)

Аллоҳ таолони бу қадар очиқ ва кескин оятлари бўла туриб, дин ҳақида ва Қуръон ҳақида ҳаддан ошишлик Қуръонни ёлғонга чиқариб, Муаҳаммад алайҳиссаломни эса илоҳлаштиришга уриниш бўлиб қолади.

Телеграм каналимиз: