Musulmonlar
Азроил деган фаришта Қуръонда ҳам Суннатда ҳам йўқ

Азроил деган фаришта Қуръонда ҳам Суннатда ҳам йўқ

Азроил деган фаришта Қуръонда борми? Нега ҳамма у фариштадан қўрқади? Қуръон бу нарсага буюрганми?

Қуръони Каримда Азроил номли фаришта бор экани билдирилмаган ҳам айтилмаган ҳам. Жон олувчи фаришта деб танитилган фаришта, Исломдан аввалги Яҳудий асарларидан Ислом динининг манбаларига кириб қолгани эҳтимоли бор. На Қуръонда ҳам ва Саҳиҳ ҳадисларнинг биронтасида ҳам бу фаришта ҳақида айтилмаган. Азроил деган исм Яҳуди манбаларидан Ислом адабиётларига кириб қолишига сабаб, аввал яҳудий бўлиб, кейинчалик Исломни қабул қилган Каъб ал-Аҳбор ва Ваҳб б. Мунаббаҳ каби шахсларнинг таъсири остида эканини кўпроқ таҳмин қилинади.

Аллоҳ таоло жон олувчи фаришта ҳақида шу оятларни нозил қилган:

قُلْ يَتَوَفَّاكُمْ مَلَكُ الْمَوْتِ الَّذِي وُكِّلَ بِكُمْ ثُمَّ إِلَىٰ رَبِّكُمْ تُرْجَعُونَ

Айтингки: “Сизлар учун тайинланган ўлим фариштаси вафот этдиради ва кейинчалик тирилиб Роббинггизни ҳузурига чиқариласизлар. (Сажда 32/11)

وَهُوَ الْقَاهِرُ فَوْقَ عِبَادِهِ ۖ وَيُرْسِلُ عَلَيْكُمْ حَفَظَةً حَتَّىٰ إِذَا جَاءَ أَحَدَكُمُ الْمَوْتُ تَوَفَّتْهُ رُسُلُنَا وَهُمْ لَا يُفَرِّطُونَ

У, қулларининг устидан мутлақо ҳокимдир, сизларга қўриқчи фаришталар юборади. Сизларни биронтангизга ўлим келганда, элчиларимиз уни вафот этдирадилар. У элчилар асло хато қилмайдилар. (Анъом 6/61)

Азроил номли фариштадан қўрқиш деган нарса бир тарафда турсин, ҳаттоки унинг номи ҳам келтирилмаган Қуръонда. Қуръон Мусулмонларга – фақатгина Аллоҳдан қўрқиш, оқибатини ўйлаб ёмонликлардан сақланиб яхши иш қилишга интилишга буюрган.

Иккинчи оятга кўра, ҳар бир инсонни қўриқловчи фариштаси бўлади ва ажали келганида уни жонини олувчи фаришта жонини олади. Жон олувчи фаришта бир дона эмаслиги ҳам ўша оятда очиқча баён қилинган. Ҳар бир инсонни қўриқчи фариштаси бўлганидек, жонини олгувчи алоҳида фариштаси бўлиши ҳам мумкин.

Bizni Kuzating

%d bloggers like this: